ہالی وڈ کے مشہور اداکار مورگن فری مین نے سونے کی بالیان پہننے کی ایک عجیب و دلچسپ وجہ بتائی ہے۔
لائف ٹائم اچیومنٹ ایوارڈ حاصل کرنے والے دنیا کے مشہور اداکار موگن کو ہمیشہ کان میں بالیاں پہننے ہوئے دیکھا ہی ہوگا لیکن انہوں نے اس کی ایک اچھی وجہ بتائی ہے۔
تاہم کچھ سال قبل مورگن فری مین نے اس حوالے سے انسٹاگرام پر ایک پوسٹ کیا تھا، جس میں لکھا کہ مجھ سے ہر وقت میری ان بالیوں کے بارے میں پوچھا جاتا ہے۔
ہالی وڈ اداکار نے بتایا کہ’ سچ تو یہ ہے کہ میں اسے اس لیے پہنتا ہوں تاکہ اگر میں کسی اجنبی جگہ پر مرجاؤں تو ان بالیوں سے میری تابوت خریدی جاسکے‘۔
مورگن نے انسٹاگرام پوسٹ پر مزید لکھا کہ ’ اس طرح ملاح(کشتی چلانے والے اور بحری جہاز کے عملہ) کرتے ہیں، اس لیے میں بھی یہ کرتا ہوں‘۔
View this post on Instagram
مورگن نے اس حوالے سے ایک قصہ بتایا کہ’ جب میں چھوٹا تھا تو میں نے ایک سمندری فلم دیکھی تھی، جب میں ایک ملاح کو اس طرح بالیاں پہنے ہوئے دیکھا تو مجھے بہت خوبصورت لگا، لیکن مجھے بعد میں پتا چلا کہ وہ یہ بالیاں اس لیے پہنتے ہیں تاکہ اگر کسی غیر ممالک میں ان کی موت ہوجائے تو ان بالیوں کو بیچ کر ان کی آخری رسومات کی تیاری کی جاسکے۔
واضح رہے کہ قطر میں ہونے والی فیفا ورلڈ کپ 2022 کی افتتاحی تقریب میں بھی مشہور ہالی وُڈ فلم اسٹار مورگن فری مین کی انٹری نے دنیا بھر کے ناظرین و شائقین کی بھرپور توجہ حاصل کی تھی۔
شوبز کیرئیر میں اعلیٰ خدمات کی بدولت مورگن اکیڈمی ایوارڈ سمیت کئی بڑے بڑے ایوارز حاصل کر چکے ہیں۔مورگن ایک باصلاحیت اور کامیاب اداکار ہیں۔
”ٹیچرز، ہری اینڈ سن، میری، گلوری، ڈرائیونگ مس ڈیزی، لین آن می، دی سول وار، ران ہوڈ، ان فار گیون، آؤٹ بریک، ہارڈ رین، ہائی کرائمز، دی بگ باؤنس“ وغیرہ مورگن کی فلمیں ہیں۔
