فرانس میں مراکشی فٹبالر اشرف حکیمی پر خاتون سے جنسی زیادتی کا الزام عائد کیا گیا ہے۔
بین الاقوامی میڈیا رپورٹس کے مطابق فرانسیسی استغاثہ کا کہنا ہے کہ مراکش اور پیرس سینٹ جرمین کے ڈیفینڈر اشرف حکیمی پر عصمت دری کا الزام عائد کیا گیا ہے۔
پیرس کے مضافاتی علاقے نانٹیرے میں پراسیکیوٹر کے دفتر نے کہا کہ جمعرات کو حکیمی سے عصمت دری کے الزامات کی تحقیقات کرنے والے تفتیش کاروں نے پوچھ گچھ کی۔ اس کے بعد ایک تفتیشی جج نے ان پر فرد جرم عائد کی اور اور اب انہیں عدالتی نگرانی میں رکھا جائے گا۔
ایک 24 سالہ خاتون نے الزام لگایا کہ پیرس کے نواحی علاقے میں ہفتے کے روز حکیمی نے اسے اپنے گھر میں زیادتی کا نشانہ بنایا۔ استغاثہ نے کہا کہ حکیمی کو فرانسیسی سرزمین چھوڑنے کی اجازت ہے۔
میڈرڈ میں پیدا ہونے والے فٹبالر ورلڈکپ میں تاریخ کرنے والی مراکشی ٹیم کا حصہ تھے اور انہوں نے ٹیم کو سیمی فائنل تک پہنچانے میں بھرپور کردار ادا کیا تھا۔
کھلاڑی کے وکیل فینی کولن نے کہا کہ حکیمی "اپنے خلاف تمام الزامات کی سختی سے تردید کرتے ہیں” اور یہ کہ وہ ایک سوچی سمجھی سازش کا شکار ہوئے ہیں۔
فٹبالر کی فیملی نے بھی ان الزامات کو یکسر مسترد کرتے ہوئے کہا ہے کہ وہ بھی ان الزامات کا سامنا کرنے کو تیار ہیں۔
