site
stats
عالمی خبریں

عراقی فورسز سے جھڑپ میں داعش کے 30 دہشتگردہلاک

بغداد: عراقی سیکورٹی فورسز کی موصل میں داعش کے خلاف لڑائی میں داعش کے 30 دہشت گرد مارے گئےاور دہشت گردوں کی 9گاڑیاں تباہ کردی گئیں۔

تفصیلات کےمطابق عراقی سیکورٹی فورسز کی موصل میں داعش کے خلاف آپریشن شہر کے مشرقی علاقے میں دواضلاع پر کنٹرول سنبھال لیااور اس دوران عراقی فورسز سے جھڑپ کے دوران داعش کے 30جنگجو مارے گئے۔

عراقی فورسز نے لڑائی کے دوران داعش کی 9 گاڑیاں اور 3 راکٹ لانچرز تباہ کردیے جو دہشت گردی کی کارروائیوں میں‌ استعمال ہوناتھا۔

عراق کے شہر موصل میں داعش کے خلاف آپریشن چوتھے روز میں داخل ہوگیا ہے اور دہشت گردوں کی جانب سے مزاحمت کا بھی سامنا کرنا پڑرہا ہے لیکن ان تمام تر مشکلات کے باوجود عراقی فورسز کی مدد سےاب تک تقریباََ 50ہزار افراد شہر سے باہر نکلنے میں کامیاب ہوئے ہیں۔

مزید پڑھیں:داعش نے 40 افراد کو قتل کرکے لاشیں کھمبوں سے لٹکا دیں، اقوام متحدہ

یاد رہے کہ گزشتہ روز اقوام متحدہ کا کہناتھا کہ داعش نے 40 عام شہریوں کو غداری کے الزام میں قتل کرکے ان کی لاشوں کو کھمبوں سے لٹکا دیا تھا۔

مزید پڑھیں:داعش کے جنگجوزندگی چاہتے ہیں تو ہتھیار ڈال دیں،عراقی وزیراعظم

اس سے قبل عراق کے وزیراعظم حیدر العبادی کا کہنا تھا کہ دولت اسلامیہ کےجنگجواگرزندہ رہناچاہتے ہیں تو ہتھیار ڈال دیں ورنہ مرنے کے لیے تیار رہیں۔

مزید پڑھیں:عراقی شہر موصل میں آپریشن،داعش کے 800سےزائد دہشتگرد ہلاک

واضح رہے کہ گزشتہ ماہ عراق کے شہر موصل میں دہشت گرد تنظیم دولت اسلامیہ کے خلاف آپریشن میں داعش کے800سے زائد دہشت گرد مارے گئے تھے

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top