The news is by your side.

Advertisement

مسافر بردار طیارے میں بم کی اطلاع پر کھلبلی مچ گئی

مصری ایئرلائن کے ماسکو جانے والے طیارے میں بم کی اطلاع نے حکام کو خوفزدہ کردیا، ایوی ایشن حکام نے طیارہ واپس بلوا کر قاہرہ ایئرپورٹ پر لینڈ کروا دیا۔

غیر ملکی میڈیا رپورٹ کے مطابق مصر ایئر کی پرواز ایم ایس 729 کو مصری دارالحکومت قاہرہ کے انٹرنیشنل ایئرپورٹ سے ماسکو کےلیے اڑان بھرنے کے 22 منٹ بعد ہی قاہرہ ایئرپورٹ پر واپس اتار لیا گیا۔

ایوی ایشن حکام کا کہنا تھا کہ مسافر بردار طیارے نے مقامی وقت کے مطابق دوپہر 2 بج کر 11 منٹ پر روسی دارالحکومت کےلیے اڑان بھری تھی کہ 22 منٹ بعد ہی طیارے میں بم کی اطلاع موصول ہوئی۔

مسافر بردار طیارے میں بم کی اطلاع ملنے پر کنٹرول ٹاو نے پائلٹ کو طیارہ واپس قاہرہ ایئرپورٹ پر لینڈ کرنے کی ہدایت جاری کی تھی، جس کے بعد سیکیورٹی حکام تمام مسافروں کو اتار کر طیارے کی تلاشی لی تاہم کوئی دھماکہ خیز مواد برآمد نہیں ہوا۔

Comments

یہ بھی پڑھیں