تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

ماسکو: فیفا ورلڈ کپ دیکھنے والے شائقین پر ٹیکسی چڑھ دوڑی، 8 افراد زخمی

ماسکو: فیفا ورلڈ کپ دیکھنے والے شائقین پر ٹیکسی چڑھ دوڑی جس کے نتیجے میں 8 شائقین زخمی ہوگئے، ڈرائیور کو گرفتار کرلیا گیا۔

ماسکو کی ٹریفک اتھارٹی کے مطابق ڈرائیور کے پاس کرغستان کا ڈرائیونگ لائسنس تھا اور اس کو گرفتار کرلیا گیا ہے، روسی حکام کے مطابق واقعہ ماسکو کے مشہور ریڈ اسکوائر کے قریب پیش آیا، زخمیوں میں میکسیکو کے شہری بھی شامل ہیں، وہ ماسکو میں فٹبال میچ دیکھنے کے لیے آئے ہوئے تھے، انہوں نے میکسیکو کی ٹیم کے رنگ کے کپڑے پہن رکھے تھے۔

واقعے کے وقت ڈرائیور نشے میں دھت تھا اور اس کا کہنا ہے کہ اس نے جان بوجھ کر گاڑی ہجوم پر نہیں چڑھائی، ڈرائیور نے جائے وقوعہ سے بھاگنے کی کوشش کی تھی تاہم پولیس نے اسے حراست میں لے لیا۔

روسی حکام کا کہنا ہے کہ عالمی کپ ٹورنامنٹ کو پر امن انداز میں منعقد کرانے کا عزم کررکھا ہے اور سیکیورٹی کے سخت انتظامات کئے گئے ہیں۔

واضح رہے کہ فٹبال عالمی کپ کے میچ روس کے گیارہ شہروں میں کھیلے جارہے ہیں جو 15 جولائی تک جاری رہیں گے, میکسیکو کی فٹ بال ٹیم ماسکو کے لوزنکی اسٹیڈیم میں آج جرمنی کے خلاف اپنا پہلا میچ کھیلے گی


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

- Advertisement -