لندن: برطانوی شہری نے دنیا کی مہنگی ترین کشتی تیار کرلی جس کی بناوٹ میں خالص سونا استعمال کیا گیا ہے۔
برطانوی ڈیزائنر اسٹیورٹ ہیوگز نے کشتی کو ’ہسٹری سپریم‘ کا نام دیا جس کی تیاری پر تقریباً 4 ارب 80 کروڑ ڈالر لاگت آئی ہے۔
اسٹیورٹ کے مطابق انہوں نے کشتی کی تیاری میں سونے اور پلاٹینیم کا استعمال کیا، اس کا بیرونی حصہ خالص سونے اور پلاٹینیم سمیت دیگر قیمتی دھاتوں سے بنایا گیا ہے۔
کشتی میں ڈائنگ ہال، بیڈ روم اور شہابِ ثاقب کے پتھروں سے مزین دیوار تعمیر کی گئی ہے جبکہ اندر موجود بوتلوں میں 18 ہیرے جڑے گئے ہیں۔
اس کشتی کا وزن ایک لاکھ کلوگرام ہے، ماہرین نے اسے دنیا کی مہنگی ترین بوٹ قرار دیا۔
ہسٹری سپریم کے اندر موجود بجلی کے ساکٹ اور موبائل چارجر بھی سونے کے بنائے گئے جبکہ بستر پر ہونے والی کڑاھی بھی سونے کے دھاگے سے کی گئی ہے۔
لگژری کشتی میں بکنگ کے بعد ہی داخلہ ممکن ہوگا جبکہ اس کی بکنگ کا آغاز آئندہ برس جنوری سے کیا جائے گا۔
