کراچی: تصویر بنوانے کی شوقین پانی کی بلی نے انٹرنیٹ صارفین کو ورطہ حیرت میں ڈال دیا، اس کی مختصر ویڈیو دیکھ کر سوشل میڈیا صارفین دنگ رہ گئے۔
پالتو جانور ہوں یا پھر جنگلی اُن کی تصاویر کو کیمرے میں محفوظ کرنا کس قدر مشکل ہوتا ہے اس بات کا درست اندازہ وائلڈ لائف فوٹو گرافرز کو ہوتا ہے جو کئی کئی ماہ تک جنگلوں میں گھومتے رہتے ہیں۔
ویسے تو فوٹو گرافی ایسا فن ہے جس کو منوانے کے لیے تصاویر بنانے کے شوقین افراد اپنے کیمرے میں اچھے سے اچھے منظر کو محفوظ کرنے کی کوشش کرتے ہیں تاکہ دنیا اُن کی صلاحیتوں کی معترف ہوسکے۔
البتہ انٹرنیٹ پر وائرل ہونے والی ویڈیو میں دیکھا جاسکتا ہے کہ ایک شخص نے پانی کی بلی کو کمال تربیت دی کہ وہ مختلف پوز دے دے کر شوق سے تصاویر بنواتی ہے۔
جب بھی کوئی شخص پارک میں بلی کے ساتھ تصویر بنوانے کی خواہش کا اظہار کرتا ہے تو اُسے مالک کو فیس ادا کرنی پڑتی ہے جس کے بعد وہ بلی کو پیچھے کھڑا ہونے کا بولتا ہے۔
انٹرنیٹ پر وائرل ہونے والی ویڈیو میں دیکھا جاسکتا ہے کہ بلی مالک کے حکم کی تعمیل کرتے ہوئے جوڑے کے پیچھے آکر کھڑی ہوگئی، اس دوران خاتون کی گود میں بیٹھا بچہ خوفزدہ رہا۔
The most photogenic sea lion you will ever see 👏😀 pic.twitter.com/1wl6imky80
— Kgoshi Ya Lebowa (@Marcellomj) August 20, 2018
بلی نے تصاویر بنوانے کے دوران چہرے کے مختلف تاثرات دیے جن میں سے وہ ایک میں ہنس بھی رہی تھی، بعد ازاں جب کام مکمل ہوا تو مالک نے اُسے کھانا دیا اور وہ پھر اپنے پنجرے کی طرف چلی گئی۔
