اگر آپ بالی وڈ ستاروں کی خوبصورتی اور ان کے اسٹائل کے مداح ہیں تو مستقبل میں اپنے والدین کی جگہ سنبھالنے کے لیے تیار ان ستاروں کی بیٹیاں بھی کسی سے کم نہیں ہیں۔
نامور ستاروں کی بیٹیوں نے نہ صرف اپنے والدین سے خوبصورتی ورثے میں لی ہے بلکہ اپنے والدین سے نازو نخرہ بھی ورثے میں لیا ہے ، آج ہم آپ کی ملاقات کرا رہے ہیں کچھ ایسی ہی بیٹیوں سے جو مستقبل میں بالی وڈ کے افق پر راج کرنے کے لیے تیار ہیں۔
نویا نندا
سابق ماڈل اور صحافی شویتا بچن کی بیٹی نویا نندا نے کم عمری میں ہی مداحوں کی بڑی تعداد اپنے گرد جمع کرلی ہے ، وہ سوشل میڈیا پر بے پناہ مقبول ہیں اور چاہے سادہ سے لک میں نظر آئیں یا کسی فیشن ڈیزائنر کے تیار کردہ آؤٹ فٹ میں ، ان کے مداح انہیں پسند کرتے ہیں۔ حال ہی میں اپنی والد ہ کے پیش کردہ نئے ڈیزائنز ملبوس کرکے انہوں نے اپنے مداحوں میں ہلچل مچادی تھی۔
سارہ علی خان
معروف اداکارہ سیف علی خان کی بیٹی سارہ علی خان بھی بڑے پردے پر جلوہ گر ہونے سے پہلے مختلف پراجیکٹس کے ذریعے انٹرنیٹ کی دنیا میں اپنی جگہ بنانے میں کامیاب ہوچکی ہیں ، وہ روایتی ملبوسات پہنیں یا لانگ بوٹ ، ا ن کے مداح انہیں پسند کرتے ہیں اور امید ہیں کہ وہ جلد ہی سلور اسکرین پر نظر آئیں گی۔
انانیا پانڈے
چنکی پانڈے کی خوبصورت بیٹی انانیا پانڈے بھی سوشل میڈیا پر اپنی شہرت پیدا کرچکی ہیں اور اب وہ بالی وڈ کی فلم نگری میں داخل ہونے کے لیے بالکل تیار ہیں۔ ان کے معصوم خدو خال اور ملبوسات کا منفرد اور دلفریب انتخاب ان کی شہرت کی اصل وجہ ہیں۔
سہانہ خان
جب بات آتی ہے بالی وڈ کے کنگ شاہ رخ خان کی بیٹی سہانہ خان کی تو وہ بھی انتہائی تیزی سے اپنی جگہ بنانے میں مصروف ہیں ۔ دیگر اداکاروں کے بچوں کی نسبت وہ قدرے بہتر طریقے سے منظر عام پر آرہی ہیں ۔ چاہے ان کا دیسی لک ہو یا پارٹی ڈریسز ، ان کے مداح بچپن سے ہی انہیں پسند کرتے چلے آرہے ہیں۔
جھانوی کپور
بونی کپور کی بیٹی جھانوی کپور بھی ابھی سے فین فالوئنگ حاصل کررہی ہیں ، ملبوسات کے معاملے میں ان کا بہترین انتخاب انہیں دوسرے اداکاروں کے بچوں سے منفرد بنا تا ہے۔
