The news is by your side.

Advertisement

کراچی سے کالعدم ٹی ٹی پی کا انتہائی مطلوب دہشت گرد گرفتار

کراچی: شہر قائد سے سیکیورٹی اداروں‌ نے کالعدم ٹی ٹی پی کا انتہائی مطلوب دہشت گرد گرفتار کر لیا۔

تفصیلات کے مطابق سی ٹی ڈی پاکستان اور رینجرز نے سائٹ ایریا میں نورس چورنگی کے قریب مشترکہ کارروائی کرتے ہوئے کالعدم ٹی ٹی پی کے انتہائی مطلوب دہشت گرد محمد الیاس کو گرفتار کر لیا۔

ترجمان سی ٹی ڈی سندھ کے مطابق دہشت گرد سے اسلحہ اور ایمونیشن برآمد کیا گیا ہے، گرفتار ملزم قاری شاکر اللہ کا قریبی ساتھی ہے، جو گرفتاری سے بچنے کے لیے بیرون ملک فرار ہو گیا تھا۔

ریڈ بک میں شامل ملزم سعودی عرب فرار ہوا تھا، ملزم نے انکشاف کیا ہے کہ ساتھیوں سمیت 2013 میں سائٹ کے علاقے میں اس نے شیر احمد کو قتل کیا تھا۔

ترجمان کے مطابق ملزم نے 2012 میں کالعدم ٹی ٹی پی کے خلیفہ عمر منصور گروپ میں شمولیت اختیار کی تھی، ملزم کے دیگر کیسوں سے متعلق بھی تفتیش کی جا رہی ہے۔

Comments

یہ بھی پڑھیں