site
stats
عالمی خبریں

سعودی ولی عہد کی امریکی وزیرِ دفاع کو موصل کی فتح پر مبارک باد

Mosul

ریاض : سعودی عرب کے ولی عہد اور وزیر دفاع شہزادہ محمد بن سلمان بن عبدالعزیز نے اتوار کو امریکی وزیر دفاع جیمس میٹس کو ٹیلی فون کر کے انہیں موصل میں دہشت گرد تنظیم داعش کے خلاف کامیابی پر مبارک باد پیش کی۔

العربیہ ٹی وی کے مطابق سعودی ولی عہد نے اس تنظیم کے خلاف لڑنے اور اس پر قابو پانے کے لیے بین الاقوامی اتحاد میں امریکا کے قائدانہ کردار کو سراہا۔

انہوں نے باور کرایا کہ دہشت گردی اور اس کی حمایت اور فنڈنگ کرنے والوں کے خلاف جنگ کو پورے عزم کے ساتھ جاری رکھنا نا گزیر ہے۔

ٹیلیفونک رابطے میں دہشتگردی کے خلاف جنگ اور شدت پسندی کے انسداد کے واسطے دونوں ملکوں کے درمیان کو رابطہ کار کو بہتر بنانے کے علاوہ سعودی عرب اور امریکا کے درمیان عسکری اور دفاعی تعاون پر بھی بات چیت ہوئی۔


داعش دہشت گردتنظیم ہے، پاکستان کا دشمن عراق کا دشمن


 یاد رہے کہ دو روز قبل عراقی سفیر نے اسلام آباد میں پریس کانفرنس سے خطاب عراقی سفیر کا کہنا تھا کہ داعش ایک خطرناک ترین بین الاقوامی تنظیم ہے، جس نے موصل پر 10 جون 2015 میں قبضہ کیا، عراقی عوام نے مذ ہب، نسل اور فرقہ سے بالا تر ہو کر داعش کو شکست دینے میں مدد کی، داعش کے دہشت گرد دنیا میں ایک سو سے زائد ممالک سے تعلق رکھتے تھے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top