کیرالا: بھارت میں ماں اور بیٹے نے ایک ساتھ پبلک سروس کمیشن کا امتحان پاس کرکے نئی مثال قائم کردی۔
بھارتی میڈیا کے مطابق ریاست کیرالہ سے تعلق رکھنے والی 42 سالہ خاتون بِندو اور ان کے 24 سالہ بیٹے ویویک نے ایک ساتھ پبلک سروس کمیشن کا امتحان پاس کیا ہے۔
اس موقع پر خاتون کے بیٹے کا کہنا تھاکہ "ہم کوچنگ کلاسز کیلئے اکٹھے جاتے تھے، اور ایک ساتھ پڑھتے تھے، میری والدہ نے مجھے یہاں تک پہنچایا اور میرے والد نے ہمارے لیے تمام سہولیات کا بندوبست کیا۔
ویویک نے کہا کہ ہمیں اپنے اساتذہ سے بہت حوصلہ ملا، ہم دونوں نے ساتھ پڑھا لیکن کبھی نہیں سوچا تھا کہ ہم ایک ساتھ کامیاب ہوجائیں گے، جو کہ ہمارے لیے خوشی کا باعث ہے۔
بھارتی میڈیا کے مطابق خاتون نے لوئر ڈویژنل کلرک (ایل ڈی سی) کا امتحان 38 رینک کے ساتھ پاس کیا جب کہ ان کے بیٹے نے لاسٹ گریڈ سرونٹ کا امتحان 92 رینک کے ساتھ نوکری کے لیے امتحان پاس کیا۔
رپورٹ میں کہا گیا ہے کہ خاتون اس سے قبل بھی تین بار پبلک سروس کمیشن کا امتحان دے چکی تھی، تاہم ہر بار وہ ناکام رہی۔
"We went together to coaching classes. My mother brought me to this and my father arranged all facilities for us. We got a lot of motivation from our teachers. We both studied together but never thought that we'll qualify together. We're both very happy," said Vivek, son of Bindu pic.twitter.com/2qu23d0IHX
— ANI (@ANI) August 10, 2022