غازی پور: ضلع کے ناگسر نیواجو رائے گاؤں میں ایک انتہائی افسوسناک واقعہ پیش آیا جب ماں اپنے بیٹے کی موت کا صدمہ برداشت نہ پر پائی اور 10منٹ بعد انتقال کرگئی۔
بین الاقوامی خبر رساں ادارے کی رپورٹ کے مطابق موہن لال گپتا (45) کی اچانک موت ہوگئی۔ ماں سرسوتی دیوی (80) سے بیٹے کی موت کی اطلاع ملنے پر صدمہ برداشت نہ ہوا اور بھی چل بسیں۔
رپورٹ کے مطابق موہن لال ڈیوٹی پر جانے کے لیے تیار ہورہا تھا کہ اچانک اس کے جسم میں شدید درد ہونے لگا۔ جس سے اس کی موت ہوگئی۔ جب اس کی ماں کو اس کا علم ہوا تو وہ بھی صدمہ برداشت نہ کرسکی۔
اس سے قبل بھارت کی ریاست تلنگانہ کے ضلع سدی پیٹ میں گھر کے باہر کھیلتی شیرخوار بچی کی دردناک موت سے علاقے میں کہرام مچ گیا۔
میڈیا رپورٹس کے مطابق کڑا ورگو گاؤں کے رہائشی شبیر اور زرینہ کی شیرخوار بیٹی علیشا کی عمر ڈیڑھ سال تھی۔ جوڑے کی دو بیٹیاں اور ایک بیٹا ہے۔
زرینہ بچوں کو لے کر میکے آئی تھی جہاں علیشا گھر کے باہر کھیل رہی تھی اور اسی وقت اس نے کنکر اٹھا کر منہ میں ڈالا جو اس کی سانس کی نالی میں جا پھنسا۔
اسرائیل کی بے گھر فلسطینیوں پر بمباری، 25 شہید، درجنوں زخمی
اہل خانہ فوراً بچی کو لے کر سرکاری اسپتال پہنچے جہاں ڈاکٹروں نے انہیں نجی اسپتال لے جانے کو کہا۔ والدین بچی کو نجی اسپتال منتقل کر رہے تھے کہ راستے میں معصوم کی موت واقع ہوگئی۔
