The news is by your side.

Advertisement

بچی کے اغوا کا ڈرامہ رچانے والی ماں گرفتار، عدالت نے جیل بھیج دیا

کراچی: شہر قائد کے علاقے نیپئر میں اپنی ہی بچی فائزہ کے اغوا کا ڈرامہ رچانے والی ماں انیسہ کو عدالت نے جیل بھیج دیا۔

تفصیلات کے مطابق جوڈیشل مجسٹریٹ جنوبی کی عدالت میں 8 ماہ کی بچی کے اغوا کیس کی سماعت ہوئی جس میں پولیس نے فائزہ کی والدہ اور ملزم عمران کو جج کے روبرو پیش کیا۔

پولیس نے عدالت سے ملزمان کے ریمانڈ کی استدعا کی جسے جج نے منظور کرتے ہوئے انہیں 3 اکتوبر تک پولیس کے حوالے کیا، ملزمہ انیسہ کو جوڈیشل ریمانڈ پر جیل بھیجا گیا۔

عدالت نے بچی کی والدہ انیسہ کو حقائق چھپانے کے الزام میں جیل بھیجا اور حکم دیا کہ فائزہ بھی اپنی ماں کے ساتھ ہی جیل میں رہے گی، اتنظامیہ کو ہدایت کی گئی کہ وہ دونوں کو تمام سہولیات بھی فراہم کرے۔

مزید پڑھیں: کراچی: فائزہ کے اغوا کا ڈراپ سین

سماعت کے دوران ملزم عمران نے عدالت کو بتایا کہ ماں نے بچی خود اُس کے حوالے کی جس پر جج نے استفسار کیا کہ ملزمہ نے ایسا کیوں کیا؟ تو ملزم نے جواب دیا کہ فائزہ میری ہی بیٹی ہے۔عدالت نے معمہ حل کرنے کے لیے ماں اور بیٹی کے ڈی این اے ٹیسٹ کا حکم بھی دیا۔

تفتیشی افسران نے عدالت کو آگاہ کیا کہ ملزمہ انیسہ کا عمران سے رابطہ تھا اُس نے خود ہی بچی کو حوالے کر کے اغوا کا ڈرامہ رچایا۔ واضح رہے کہ 12 ستمبر کو لیاری کے علاقے نیپئر تھانے کی حدود سے شیر خوار بچی کے اغوا کی کہانی سامنے آئی تھی۔

Comments

comments

یہ بھی پڑھیں