The news is by your side.

Advertisement

سنگدل ماں نے اپنے بارہ دن کے بچے کو گٹر میں پھینک دیا

شیخوپورہ : سنگدل ماں نے شوہرسےجھگڑے کے بعد اپنے نومولود کو گٹر میں پھینک دیا ، جس کے بعد بچے کی لاش نکال لی گئی، پولیس نے ملزمہ ثناء بی بی اور اس کی والدہ مقدس بی بی کو گرفتار کرلیا ہے۔

تفصیلات کے مطابق شیخوپورہ کی لیبرکالونی میں سنگدل ماں نے گھریلو لڑائی پر نومولود کو گٹرمیں پھینک دیا، ملزمہ ثناء بی بی نے اپنی والدہ کے کہنے پر اپنے نومولود کو گٹر میں پھینکا، جس سے وہ جاں بحق ہوگیا، بچے کی لاش نکال لی گئی ہے۔

پولیس کا کہنا ہے کہ ملزمہ ثنا بی بی کی دس ماہ قبل ندیم سے شادی ہوئی تھی ، ملزمہ کا اپنے شوہر ندیم سے جھگڑارہتا تھا، ملزمہ نے اپنی والدہ مقدس بی بی کے کہنے پر طیش میں آکر اپنے بارہ دن کے بچے کو گٹر میں پھینک دیا، جس سے وہ جاں بحق ہوگیا۔

ڈی پی او شیخوپورہ کے حکم پر پولیس نے ملزمہ ثناء بی بی اور اس کی والدہ مقدس بی بی کو گرفتار کرلیا ہے۔

یاد رہے گذشتہ ماہ کراچی کے علاقے گلشن حدید فیز ون میں گھریلو جھگڑوں سے تنگ خاتون نے 3 بچوں کو زہر دے کر خودکشی کرلی تھی ، اسٹیل ٹاؤن پولیس کا کہنا تھا کہ جائے وقوعہ سے شواہد اکٹھے کیے جارہے ہیں، پڑوسیوں کے بیانات بھی قلمبند کیے جارہے ہیں، واقعے کی ہر پہلو سے تفتیش کررہے ہیں۔

Comments

یہ بھی پڑھیں