ممبئی: بھارتی ریاست مہاراشٹرا میں خاتون نے 6 بچوں کو کنویں میں پھینک دیا۔
بھارتی میڈیا کے مطابق واقعہ ریاست مہارا شٹرا کے ڈسٹرکٹ رائے گڑھ میں پیش آیا ہے جہاں 30 سالہ خاتون نے اپنے 6 بچوں کو کنویں میں پھینک دیا جس سے بچے ڈوب کر ہلاک ہوگئے۔
عینی شاہدین کا کہنا تھا کہ خاتون نے بچوں کو کنویں میں پھینکنے کے بعد خود بھی کودنے کی کوشش کی تاہم اسے بچالیا گیا۔
بھارتی میڈیا کا بتانا ہے کہ ڈوبنے والے بچوں میں 5 لڑکیاں اور ایک لڑکا شامل تھے، جن کی عمریں 18 ماہ سے دس سال کے درمیان تھی۔
پولیس نے خاتون کو بچوں کے قتل کے الزام میں گرفتار کرلیا گیا ہے۔ پولیس کا کہنا ہے کہ اب تک معلوم نہیں ہوسکا ہے کہ اس نے اتنا انتہائی قدم کیوں اٹھایا، تاہم واقعے سے ایک روز قبل اس کی اپنے شوہر سے لڑائی ہوئی تھی۔
