کراچی (02 مئی 2026): موٹو بائیک استنبول 2026، جو موٹر سائیکلوں، سائیکلوں اور ان کے متعلقہ آلات کی خطے کی نمایاں ترین نمائشوں میں شمار ہوتی ہے، استنبول ایکسپو سینٹر میں کامیابی کے ساتھ اختتام پذیر ہو چکی ہے۔
اس 4 روزہ نمائش نے دنیا بھر سے آنے والے ہزاروں شوقین افراد اور صنعتی ماہرین کو اپنی جانب متوجہ کیا۔ 350 سے زائد مقامی اور بین الاقوامی نمائش کنندگان کی شرکت کے ساتھ، موٹو بائیک استنبول 2026 نیٹ ورکنگ، باہمی تعاون اور جدید رجحانات کے فروغ کے لیے ایک اہم پلیٹ فارم ثابت ہوئی۔
نمائش میں زائرین کو نئی مصنوعات اور مارکیٹ ٹرینڈز کا عملی تجربہ حاصل ہوا، جب کہ مجموعی طور پر 134,938 زائرین کی شرکت نے اس ایڈیشن کو نہایت کامیاب بنا دیا۔
کے پی ٹی میں نئی تاریخ رقم، بڑی سہولت کا آغاز
پاکستان کی جانب سے 3 کمپنیوں نے شرکت کی، اور اپنی مصنوعات کی کامیاب نمائش کی۔ ان کمپنیوں نے دو پہیوں والی گاڑیوں کے ٹائرز اور بائیک اپیرل سمیت اپنی نمایاں مصنوعات پیش کیں اور ممکنہ خریداروں سے مؤثر روابط قائم کیے۔ ان کی شرکت نے عالمی آٹوموٹیو اپیرل اور ٹووہیلر مارکیٹ میں پاکستان کی بڑھتی ہوئی موجودگی کو اجاگر کیا۔
موٹو بائیک استنبول 2026 میں شرکت پاکستان کے آٹوموٹیو شعبے کی بڑھتی ہوئی مضبوطی اور برآمدی صلاحیت کو ظاہر کرتی ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں