The news is by your side.

موٹرسائیکل خود آپ کو حادثے سے محفوظ رکھے گی، حیرت انگیز ایجاد

ٹوکیو : جاپانی ماہرین نے موٹر سائیکل سواروں کو حادثے سے محفوظ رکھنے کیلئے ایک نئی حکمت عملی مرتب کرتے ہوئے جدید نظام متعارف کرادیا۔

تفصیلات کے مطابق جاپان میں موٹر سائیکل ساز کمپنیاں موٹر سائیکلوں کو استعمال میں زیادہ محفوظ بنانے کے لیے جدید ٹیکنالوجی کی مدد حاصل کر رہی ہیں۔

اس حوالے سے غیر ملکی خبر رساں ادارے کی رپورٹ کے مطابق یاہاما کمپنی موٹر بریک لگانے میں مدد دینے والا نظام تیار کر رہی ہے جو ریڈار سے لیس ہے۔

یہ نظام آگے چلنے والی گاڑی سے فاصلے کی از خود پیمائش کرتا ہے، ٹکراؤ کا خطرہ محسوس ہونے کی صورت میں یہ نظام اگلے اور پچھلے پہیوں کو بریک لگانے کی معیاری قوت مہیا کرتا ہے۔

اس کے علاوہ بائیک رائیڈر کو حادثے سے محفوظ رکھنے کے لیے مذکورہ نظام سسپینشن سسٹم کو بھی کنٹرول کرتا ہے۔

کمپنی ترجمان کا کہنا ہے کہ یاماہا کو آئندہ سال کے وسط کے لگ بھگ جاپان میں اپنے چند بڑے ماڈلوں میں یہ نظام متعارف کرانے کی امید ہے۔

کاواساکی موٹرز نے اپریل سے اپنے چند بڑے ماڈلوں میں ایک انتباہی نظام نصب کیا ہے، پیچھے سے کوئی گاڑی نزدیک آنے کی صورت میں یہ نظام ڈرائیور کو خبردار کردیتا ہے۔

اس کے علاوہ ہنڈا اور سوزوکی کمپنی نے بھی اپنے ماڈلوں کی حفاظتی خصوصیات کو مزید بہتر بنایا ہے۔

Comments

یہ بھی پڑھیں