site
stats
پاکستان

اسکول کے بچے‘ بڑوں کو ڈرائیونگ سکھانے لگے

Motor way Police

نوشہروفیروز: موٹروے پولیس نے ٹریفک قوانین سے ناواقف افراد کو سبق سکھانے کے لیے سکول کے بچوں کو موٹروے پولیس کی وردی پہنا کر ڈرائیوروں کو روڈ پر چلنے کے اصولوں کے بارے میں آگاہی دی۔

تفصیلات کے مطابق موٹر وے پولیس بیٹ 29 کنڈیارو نے اسکول کے بچوں کے ذریعے بڑو ں کو ٹریفک قوانین سے آگاہی دی‘ موٹر وے کے اعلیٰ حکام کا ماننا ہے کہ بچوں کی باتوں پر بڑے جلد عمل کرتے ہیں۔

 

ذرائع کا کہنا ہے کہ آئی جی ڈاکٹر کلیم امام ڈی آئی جی شاہد حیات اور ایس پی سجاد حسین بھٹی کی ہدایات پر موٹروے پولیس کنڈیارو نے ڈی ایس پی اسد اللہ ابڑو کی سربراہی میں محبوب الٰہی‘ ایڈمن افسر عبدالرشید سہتو اور دوسرے افسران کے ہمراہ چھوٹے بچوں کو پولیس کی وردی پہنا کر روڈ پر سفر کرنے والی گاڑیوں کو روک کر بچوں سے ڈرائیورز کو بریفنگ دلوائی۔

بچوں نے ڈرائیورز کو بتایا کہ روڈ پر گاڑی احتیاط سے چلائی جائے‘ قانون پر عملدرآمد کیا جائے ‘ گاڑی چلاتے وقت سیٹ بیلٹ کا استعمال کریں‘ موٹر سائیکل سوار ہیلمٹ کا استعمال کریں‘ اوور سپیڈ نہ کریں اور نہ ہی بچوں کو ڈرائیونگ کرنے دیں۔ اس موقع پر بچوں نے ڈرائیورز میں پمفلٹ تقسیم کئے جن پر ڈرائیونگ کے اصولوں بابت لکھا ہوا تھا۔

ڈرائیورز نے موٹروے پولیس کے اس عمل کو سراہا اور اور روڈ پر گاڑیاں احتیاط سے چلانے کے عزم کا اظہار کیا ۔اس موقع پر ڈرائیورز نے موٹروے پولیس کی وردی پہنے ہوئے بچوں کے ساتھ تصویریں بھی بنوائیں۔

موٹروے پولیس کے افسران اسد اللہ ابڑو اور عبدالرشید سہتو نے میڈیا کے نمائندوں سے گفتگو کرتے ہوئے بتایا کے ڈرائیورز نے بچوں کی باتیں غور سے سنیں اور قانون پر عملدرآمد کے لیے موٹروے پولیس کے بنائے ہوئے قوانین پر چلنے کی یقین دہانی کرائی ہے اور یہ یقینی طور پر حوصلہ افزا صورتحال ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top