الکینز : اسپین کے 14سالہ موٹر بائیک رائیڈر ہیوگو ملان الکینز میں ہونے والی ریس میں حادثے کا شکار ہو کر جان کی بازی ہار گئے۔
تفصیلات کے مطابق اسپین کے موٹر سائیکل رائیڈر ہیوگو میلان ہسپانوی صوبے تاراگونا کے موٹر لینڈ ریس ٹریک میں یوروپی ٹیلنٹ کپ کے دوران حادثے میں جاں بحق ہوئے۔
بائیک رائیڈر کی عمر 14سال تھی، ہیوگو ملان الکینز اسپین میں ہونے والی ایک ریس میں شریک تھے، ریس کے دوران ان کی موٹر بائیک کو حادثہ پیش آیا جس میں وہ شدید زخمی ہوگئے۔
خبر رساں ایجنسی کی رپورٹ کے مطابق میلان پہلے لیپ کے پانچویں کرو میں حادثے کا شکار ہوئے حالانکہ انہوں نے خود کو سنبھالا لیکن ریس کے سائیڈ میں جانے کی کوشش کے دوران انہیں ایک دوسری موٹر سائیکل نے ٹکر مار دی۔
تیز رفتاری کے باعث ہونے والے حادثے کے بعد ریس کو فوری طور موقوف کردیا گیا اور 14 سالہ رائیڈر کا ٹریک کے سائیڈ میں علاج کیا گیا۔ اس کے بعد انہیں ہیلی کاپٹر کے ذریعے زاراگوزا کے اسپتال لے جایا گیا لیکن چند گھنٹوں کے بعد وہ دوران علاج زندگی کی بازی ہار گئے۔
ہیوگو ملان کے رائیڈنگ اسکول کونا ڈی کیمپنز کے عہدیدار نے انہیں خراج عقیدت پیش کرتے ہوئے کہا کہ ہیوگو ملان کی ہنستی مسکراتی شخصیت اور پروفیشنلزم ہمیشہ یاد رکھا جائے گا۔
