کراچی: جناح انٹرنیشنل ایئر پورٹ میں ایک مشکوک موٹر سائیکل سوار گھس گیا، تاہم اے ایس ایف نے بر وقت کاروائی کرتے ہوئے مشتبہ شخص کو قابو کر کے حراست میں لے لیا۔

تفصیلات کے مطابق کراچی ایئر پورٹ کے ارائیول لاؤنج میں حیرت انگیز طور پر ایک مشکوک شخص موٹر سائیکل سمیت گھس آیا، اے ایس ایف اہل کاروں نے اسے بر وقت قابو کر لیا۔

[bs-quote quote=”تلاشی کے دوران موٹر سائیکل سوار سے فرانس کا ویزہ لگا پاسپورٹ بھی برآمد ہوا۔” style=”style-7″ align=”left” color=”#dd3333″ author_job=”ایئر پورٹ ذرائع”][/bs-quote]

موٹر سائیکل سوار کے گھسنے سے ائیر پورٹ میں ہر طرف بھگدڑ مچ گئی۔

ذرائع کے مطابق مذکورہ مشکوک شخص فرانس کا شہری ہے، نشے کا عادی ہے، فرانس میں بھی مار پیٹ کر چکا ہے۔

ایئر پورٹ ذرائع کا کہنا ہے کہ گرفتار ہونے والے شخص کی شناخت عادل رحمان کے نام سے ہوئی ہے، مشتبہ شخص موٹر سائیکل پر مخالف سمت سے ائیر پورٹ کے ڈراپ لائن پر گھسنے کی کوشش کر رہا تھا، اے ایس ایف کے اہل کار نے مشتبہ شخص کو روکنے کی کوشش کی لیکن وہ نہ رکا۔

ذرایع نے بتایا کہ اے ایس ایف اہل کار نے فوری طور پر کوئیک ریسپانس فورس کو اطلاع کر دی، کوئیک ریسپانس فورس نے مشتبہ شخص کو ڈراپ لائن کے برآمدے ہی سے حراست میں لے لیا۔

یہ بھی پڑھیں:  نیو اسلام آباد ایئرپورٹ منصوبے میں مالی بد عنوانیاں: پی اے سی میں رپورٹ پیش

ذرایع نے مزید بتایا کہ مشتبہ شخص سے مزید تفتیش کی جا رہی ہے، مشتبہ شخص کی موٹر سائیکل اور اس کا ریکارڈ سی پی ایل سی سے طلب کر لیا گیا ہے۔

ذرایع نے انکشاف کیا ہے کہ جناح ٹرمینل کے بین الاقوامی آمد لاؤنج میں بائیک سمیت داخل ہونے والا شخص فرانس کا شہری ہے، تلاشی کے دوران بائیک سوار سے فرانس کا ویزہ لگا پاسپورٹ بھی برآمد ہوا۔

کہا جا رہا ہے کہ زیرِ حراست شخص ذہنی مریض ہے، 2018 میں فرانس سے پاکستان پہنچا، ملزم فرانس میں بھی کئی مرتبہ مار پیٹ کر چکا ہے، اور نشے کا عادی ہے۔