کراچی : ساٹھ سالہ موٹر سائیکل چور گرفتار، باباجی نے سنچری مکمل کرلی -
The news is by your side.

Advertisement

کراچی : ساٹھ سالہ موٹر سائیکل چور گرفتار، باباجی نے سنچری مکمل کرلی

کراچی : موٹرسائیکل چوروں کا ساٹھ سالہ سردار پکڑا گیا، باباجی نے موٹرسائیکل دشمنی میں سنچری مکمل کر لی، سات بار پکڑا گیا لیکن پھر بھی عادت سے باز نہ آیا۔

تفصیلات کے مطابق فیروز آباد پولیس نے شاہراہ فیصل پر کامیاب کارروائی کرتے ہوئے موٹر سائیکلوں کی چوری میں ملوث ساٹھ سالہ ملزم یوسف کو گرفتار کرلیا، باباجی نے بڑے بڑے چوروں کو پیچھےچھوڑ دیا۔

ملزم یوسف نے ساٹھ سال کی عمر موٹرسائیکل چوری کی سنچری مکمل کرلی، فیروزآباد پولیس نے باباجی کو گرفتار کر کے بائیس موٹرسائیکلیں برآمد کرلیں۔

ملزم یوسف اب تک سو سے زائد موٹر سائیکلیں چوری کرکے فروخت کر چکا ہے، ایس ایچ او فیروزآباد کے مطابق شاپنگ سینٹروں کے باہرکھڑی موٹرسائیکلیں باباجی کی فیورٹ تھیں، یہ گلی، محلوں اور مساجد کے اطراف موجود موٹرسائیکلوں کا دشمن تھا۔

مزید پڑھیں : دس سیکنڈ میں موٹر سائیکل تالا کھولنے والا محبوب گوپانگ گرفتار

ملزم کا کہنا ہے کہ ایک بارچوری کی تو عادت پڑگئی تو پڑگئی، ملزم یوسف کراچی سے موٹرسائیکل چوری کر کے ٹھٹھہ اور بدین میں چھ سے آٹھ ہزار روپے میں فروخت کرتا تھا۔

Comments

comments

یہ بھی پڑھیں