کراچی : موٹروے پولیس نے شہید انسپکٹراحسان کے لواحقین کے لیے 75 لاکھ روپے امداد کا اعلان کیا ہے، شہید کے بچوں کے تعلیمی اخراجات محکمہ برداشت کرے گا۔
تفصیلات کے مطابق آئی جی موٹروے پولیس اے ڈی خواجہ نے شہید انسپکٹر احسان کے لواحقین کے لیے75 لاکھ روپے امداد کا اعلان کرتے ہوئے کہا کہ شہید کے لواحقین کوہرماہ پنشن کے علاوہ خصوصی الاؤنس بھی دیا جائے گا۔
آئی جی موٹروے پولیس کا کہنا تھا کہ شہید کے بچوں کے تعلیمی اخراجات محکمہ برداشت کرے گا۔
یاد رہے کہ دو روز قبل موٹروے پرچکری انٹرچینج کے قریب تیز رفتار دو ٹرالر آپس میں ٹکرائے جس کے بعد ایک بے قابو ہو کر موٹروے پولیس وین پرچڑھ گیا۔
موٹروے پولیس کے مطابق افسوس ناک حادثے میں انسپکٹراحسان جاں بحق جبکہ سب انسپکٹرصبور الہیٰ شدید زخمی ہوگئے تھے۔
فرائض کی ادائیگی کے دوران موٹروے پولیس کا سب انسپکٹرشہید
واضح رہے کہ گزشتہ ماہ لودھراں میں دھند کے باعث حادثے کا شکارہونے والی گاڑیوں کو سب انسپکٹر سڑک سے ہٹا رہا تھا کہ دھند میں آنے والی تیزرفتاربس نے اسے کچل ڈالا۔
حادثے میں فرائض کی ادائیگی کے دوران موٹروے پولیس کا سب انسپکٹرسعید خان شہید ہوگیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں