The news is by your side.

Advertisement

موٹر وے پولیس کو شراب نوشی کو چیک کرنے والے جدید بریتھ اینالائزر فراہم

کراچی: نشے کی حالت میں ڈرائیونگ کرنے والے اب قانون سے نہیں بچ سکیں گے، موٹر وے پولیس کو شراب نوشی کو چیک کرنے والے جدید بریتھ اینالائزر آلے فراہم کیے جا رہے ہیں۔

اے آر وائی نیوز کے مطابق نشے کی حالت میں ڈرائیونگ کرنے والے ڈرائیورز کے خلاف موٹر وے پولیس نے اہم فیصلہ کر لیا ہے، محکمے کو جدید بریتھ اینالائزر آلے فراہم کیے جا رہے ہیں۔

آئی جی موٹر وے پولیس انعام غنی نے کہا کہ قومی شاہراہوں پر نشے اور شراب نوشی کے زیر اثر ڈرائیورز کے خلاف اب کارروائی کی جائے گی۔

موٹروے پولیس کے آئی جی کے مطابق جان لیوا ٹریفک حادثات کی اہم وجوہ میں شراب نوشی کے زیر اثر ڈرائیونگ بھی شامل ہے، انھوں نے کہا کہ اب موٹر وے پولیس کے اہل کار نشے میں دھت ڈرائیورز کو بریتھ اینالائزر آلے کی مدد سے چیک کرے گی۔

چیکنگ پر اگر ثابت ہو گیا کہ ڈرائیور نشے کی حالت میں ہیں تو ان کے خلاف قانونی کارروائی کی جائے گی۔ آئی جی انعام غنی نے کہا کہ موٹر وے پولیس محفوظ سفر کو یقینی بنانے کے لیے ہر ممکن اقدامات کرے گی۔

موٹر وے پر حادثات سے بچاؤ کے سلسلے میں عوامی سطح پر آگاہی بھی پھیلائی جا رہی ہے۔

Comments

یہ بھی پڑھیں