The news is by your side.

Advertisement

موٹروے پولیس کا کارنامہ: بس کے نیچے چھپ کر سفر کرتے غریب لڑکے کو بچا لیا

جام شورو:‌ عام طور سے عوام پولیس کی کارکردگی سے شاکی دکھائی دیتے ہیں اور ایسا بے سبب نہیں، مگر کبھی کبھار پولیس ایسی چوکسی کا مظاہرہ کرتی ہے کہ آدمی عش عش کر اٹھتا ہے.ایسا ہی ایک کارنامہ موٹروے پولیس نے انجام دیا.

تفصیلات کے مطابق لونی کوٹ، جامشوروکے نزدیک موٹروے پولیس افسران انسپکٹر ہوش محمد اور سب انسپکٹر کی تیز نظریں‌ جب کراچی سے پشاور جانے والی برس پر پڑیں، تو وہ چونک اٹھے.

دونوں‌ افسران کو بس کے نچلے حصے میں‌ کچھ غیرمعمولی محسوس ہوا، جس پر انھو‌ں‌ نے بس رکوا دی.

پولیس افسران کی اس اقدام کے نتائج حیران کن رہے. بس کے نیچے نصب اضافی ٹائر سے ایک بدحال، پتلا دبلا لڑکا چپکا ہوا تھا.

دراصل یہ ایک غریب لڑکا تھا، جو کرایے کے پیسے نہ ہونے کے باعث اپنی جان کو خطرے میں ڈال کر بس کے نیچے لگے ٹائر سے چپک گیا تھا.

اس طویل اور دشوار سفر میں ایسی پرخطر جگہ پر موجود وہ لڑکا کسی بھی ہولناک حادثے کا شکار بن سکتا تھا، مگر پولیس اہل کاروں کی عقابی نگاہوں‌ نے خطرہ بھانپ کر بس رکوا دی اور لڑکے کو بہ حفاظت بس کے نیچے سے نکال لیا ۔


یہ بھی پڑھیں: موٹروے پولیس نے زخمی کتے کی جان بچالی


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔ 

Print Friendly, PDF & Email

Comments

comments

یہ بھی پڑھیں