The news is by your side.

Advertisement

پاکستان اور چین کے درمیان مفاہمتی یادداشت پر دستخط

بیجنگ: پاکستان اور چین کے درمیان مفاہمتی یادداشت پر دستخط کیے گئے۔ دستخط کی تقریب میں وزیر اعظم شاہد خاقان عباسی اور نائب صدر پاور چائنا نے شرکت کی۔

تفصیلات کے مطابق وزیر اعظم شاہد خاقان عباسی 3 روزہ باؤ فورم کی سالانہ کانفرنس میں شرکت کے لیے چین میں موجود ہیں۔ وزیر اعظم کانفرنس کے مرکزی موضوع ’دنیا کی وسیع ترخوشحالی کے لیے ایک آزاد اور جدید ایشیا‘ پر خطاب کریں گے۔

کانفرنس سے قبل پاکستان اور چین کے درمیان مفاہمتی یادداشت پر دستخط کیے گئے۔ دستخط کی تقریب میں وزیر اعظم شاہد خاقان عباسی اور نائب صدر پاور چائنا نے شرکت کی۔

تقریب میں پاکستانی وزیر خارجہ خواجہ آصف، پاکستانی سفیر مسعود خالد، پاکستان میں چین کے سفیر اور دیگر اعلیٰ حکام بھی موجود تھے۔

پاکستان اور چین کے درمیان سمجھوتہ انٹر اسٹیٹ گیس سسٹم اور پاور چائنا کے درمیان طے پایا۔ سمجھوتے کے تحت شمال سے جنوب گیس پائپ لائن بچھائی جائے گی۔ گیس پائپ لائن بڑھتی ضرورت والے علاقوں میں سپلائی یقینی بنائے گی۔

ایک اور مفاہمتی یادداشت پاکستان اسٹیٹ آئل اور پاور چائنا کے درمیان بھی طے ہوئی۔ سمجھوتے کے تحت آئل ریفائنری کا قیام عمل میں لایا جائے گا، خام تیل کی پائپ لائن بچھائی جائے گی جبکہ منصوبہ پیٹرولیم مصنوعات کی قیمتیں کم کرنے کا باعث بھی بنے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں