The news is by your side.

Advertisement

نوازشریف کے الزامات خطرناک ہیں، تحقیقات کرائی جائیں، مولابخش چانڈیو

کراچی : پیپلزپارٹی کے سینئر رہنما مولابخش چانڈیو نے کہا ہے کہ نواز شریف کے الزامات خطرناک ہیں ان کی تحقیقات کرائی جائیں، میاں صاحب خود کو بچانے کیلئے جھوٹ کا سہارا لے رہے ہیں۔

ان خیالات کا اظہار انہوں نے کراچی میں میڈیا سے گفتگو کرتے ہوئے کیا، مولابخش چانڈیو نے کہا کہ نوازشریف کو اداروں پر الزامات لگانے کے بعد اٹھنے والے سوالات کا بھی جواب دینا پڑے گا،۔

میاں صاحب بتائیں کہ پرویز مشرف کو ملک سے باہر کیوں جانے دیا گیا؟ اگر آپ نے سرجھکا کر نوکری نہیں کی تو پرویزرشید اور مشاہداللہ کو کیوں نکالا؟

پی پی رہنما کو مزید کہنا تھا کہ عدالت سے سزا کے خدشے پر نوازشریف کا جھوٹ کا سہارا لے رہے ہیں، جس پارلیمنٹ نے دھرنوں سے نوازشریف کوبچایا انہوں نے اسی کو کیوں کمزور کیا؟

میاں صاحب نے قومی سلامتی کی پارلیمنٹ کی کمیٹی کیوں نہیں بنائی؟ نواز شریف بتائیں کہ ملک میں چار سال تک وزیر خارجہ کیوں نہیں مقرر کیا گیا؟

مولا بخش چانڈیو نے کہا کہ نوازشریف نے سزا سے بچنے کیلئے اپنے بیٹوں تک سے لاتعلقی کا اظہار کردیا، نواز شریف الزامات لگا کردوسروں کو ذمہ دار قرار دےکر نہیں بچ سکتے، نواز شریف میں ہمت ہے تو حالات کا مقابلہ کریں۔

یاد رہے کہ سابق وزیرِاعظم نواز شریف نے پریس کانفرنس کرتے ہوئے کہا ہے کہ مجھے وطن دشمن اور غدار کہنے سے کچھ فرق نہیں پڑتا، شاید قانون کے سارے ہتھیار سیاستدانوں کے لئے ہیں اب وقت آگیا ہے غداری کرنے والے آمروں کو بھی کٹہرے میں کھڑا کیا جائے۔

مزید پڑھیں: وطن دشمن اورغدارکہنے سے کچھ فرق نہیں پڑتا، نوازشریف

واز شریف کا کہنا تھا کہ مسلح افواج کوعزت اوراحترام سے دیکھتا ہوں، بہادرسپوتوں نےمادروطن کے لیے اپنےخون کانذرانہ پیش کیا ہے، مجھے راستے سے ہٹا کر مشرف کے مقدمے سے جان چھڑانی تھی، اقتدارکی لذتیں چند جرنیلوں کو ملتی ہیں قیمت مسلح فوج کو اٹھانی پڑتی ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں