The news is by your side.

Advertisement

مخالفین کے پاس لڑائی اور الزام تراشی کے سوا کچھ نہیں، مولابخش چانڈیو

کراچی : پیپلز پارٹی کے مرکزی رہنما مولابخش چانڈیو نے کہا ہے کہ مخالفین کے پاس جی ٹی روڈ لڑائی اور الزام تراشی کے سوا کچھ نہیں، عوام کے مسائل کا حل صرف اور صرف پیپلزپارٹی کے پاس ہے۔

ان خیالات کا اظہار انہوں نے کراچی میں میڈیا سے گفتگو کرتے ہوئے کیا، مولابخش چانڈیو نے کہا کہ  ملک کا آئین ،ایٹم بم ،تعلیم، صحت اور ہر شعبے پر پیپلزپارٹی کی مہر ہے، جبکہ مخالفین کے پاس جی ٹی روڈ لڑائی اور الزام تراشی کے سوا کچھ نہیں، چند سڑکیں بنا کر قوم کو گمراہ کرنے والوں کو لوگ مسترد کر دیں گے۔

مولابخش چانڈیو کا کہنا تھا کہ بھٹو اور بینظیر کے نظریے کے ساتھ انتخابات میں جائیں گے، پیپلز پارٹی نے سندھ کے شہروں اور دیہی علاقوں کو یکساں اہمیت دی، دکھاوا نہیں بلکہ کام ہوا ہے، مفت علاج اورمفت آپریشن صرف سندھ میں ہو رہے ہیں۔

پی پی رہنما نے مزید کہا کہ پیپلزپارٹی ایک قوم بناتی ہے اورنواز شریف آکر اسے منتشر کردیتے ہیں، نواز شریف کے ساتھ عمران خان بھی اسی کام پر لگ گئے ہیں، ن لیگ نے دکھاوے کی خاطر کھربوں روپے لاہور پر لگا دیے۔

عمران خان نے ن لیگ کی پیروی میں پشاور کو ادھیڑ کر رکھ دیا، لوڈشیڈنگ ختم کرنے کے دعویداروں نے ملک سے بجلی چھین لی، تبدیلی کے دعویدار نے اپنے صوبے میں نہ تو ایک اسپتال بنایا نہ یونیورسٹی اور نہ ہی اسکول بنائے۔

Comments

comments

یہ بھی پڑھیں