The news is by your side.

Advertisement

بلاول بھٹو کے مقابلے میں سٹھیائے لیڈر ہیں جن کا کوئی نظریہ نہیں، مولا بخش چانڈیو

کراچی: پیپلزپارٹی رہنما اور سینیٹر مولا بخش چانڈیو نے کہا ہے کہ ہمارے پاس عوامی منشور، 50 سال کی جدوجہد، قربانیوں کا ماضی ہے، بلاول بھٹو کے مقابلے میں سٹھیائے لیڈر ہیں جن کا کوئی نظریہ نہیں ہے۔

ان خیالات کا اظہار انہوں نے میڈیا سے گفتگو کرتے ہوئے کیا، مولا بخش چانڈڈیو نے کہا کہ ہمارے پاس نوجوان بلاول بھٹو جیسا نڈر قائد ہے، الیکشن میں پیپلزپارٹی کا مقابلہ جھوٹوں اور لوٹوں سے ہوگا۔

پی ٹی آئی اور ن لیگ دیکھنے میں الگ مگر حقیقت میں ایک ہیں، دونوں جماعتیں آر او کے ذریعے کامیاب ہونا چاہتی ہیں۔

مولا بخش چانڈیو

پیپلزپارٹی کے سیکریٹری اطلاعات نے کہا کہ ایک طرف سرمایہ، لوٹاکریسی، آمریت کی باقیات ہے دوسری طرف نظریہ اور قربانیوں کی میراث ہے، پی ٹی آئی اور ن لیگ دیکھنے میں الگ مگر حقیقت میں ایک ہیں، دونوں جماعتیں آر او کے ذریعے کامیاب ہونا چاہتی ہیں۔

مولا بخش چانڈیو نے کہا کہ عمران خان کے پاس کے پی میں بتانے کو عوامی منصوبہ نہیں، نواز شریف نے وفاقی فنڈز اپنے گھر کے ارد گرد لگا دئیے، دونوں جماعتیں جھوٹ، الزاماتت کے ساتھ میدان میں اتری ہیں۔

واضح رہے کہ سینیٹر مولا بخش چانڈیو کا کہنا تھا کہ نواز شریف جو کچھ ہورہا ہے وہ نواز شریف کا اپنا کیا دھرا ہے، میاں صاحب اب بھی وقت ہے محترمہ شہید کی قبر پر جاکر معافی مانگیں۔

ان کا کہنا تھا کہ میاں صاحب قوم کے سامنے اپنے جرائم کا اعتراف کریں، میاں صاحب نے کرپشن بچانے کے لیے اپنے بچوں کو پھنسا دیا ہے، نواز شریف نے جو بویا ابھی وہ کاٹا بھی نہیں ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں