The news is by your side.

Advertisement

میاں صاحب نے جو بویا ہے وہ تو ضرور کاٹیں گے، مولا بخش چانڈیو

لاہور: پیپلزپارٹی کے سینیٹر مولا بخش چانڈیو نے کہا ہے کہ نواز شریف کو اپنے تکبر کا جواب عدالت سے مل گیا ہے، میاں صاحب نے جو بویا ہے وہ تو ضرور کاٹیں گے۔

ان خیالات کا اظہار انہوں نے میڈیا سے گفتگو کرتے ہوئے کیا، مولا بخش چانڈیو نے کہا کہ رعایتیں دے دے کر شیر کو ببر شیر بنادیا گیا ہے، ابھی تو نواز شریف پیشیوں پر سلامیاں لے رہے ہیں، میاں صاحب ابھی تو دن ہی کیا گزرے ہیں جو باہر جانے کی بات کررہے ہیں۔

انہوں نے کہا کہ نواز شریف بھول گئے کس انداز سے بینظیر بھٹو کی توہین کی جاتی تھی، جب ذوالفقار علی بھٹو، بینظیر بھٹو کی توہین کی گئی تب انہیں خیال نہ آیا، کیا میاں صاحب نے عزتیں نہیں اچھالیں، جھوٹے الزام نہیں لگائے، اللہ نے باپ، بیٹی، بیٹوں اور داماد کو کرپٹ قرار دے دیا۔

مزید پڑھیں: ن لیگ پر دباؤ آیا ہے تو اب انہیں بھٹو یاد آگیا، مولا بخش چانڈیو

مولا بخش چانڈیو نے کہا کہ ہم چلاتے رہتے ہیں کوئی نہیں سنتا، وزیر اعظم کے پاس ہمارے لئے وقت نہیں تھا، وزیر اعظم جب بھی باہر جاتے اپنے بھائی کو ساتھ لے کر جاتے تھے، نیب نے حالات سے تنگ ہوکر میاں صاحب کی طرف دیکھا تو راز نہ آیا۔

انہوں نے کہا کہ پیپلزپارٹی آئین کی عملداری اور جمہوریت کا تسلسل چاہتی ہے، ہم نے کبھی انتقام نہیں لیا، چارٹر آف ڈیموکریسی کی بات پر ساتھ دیا، ہمیشہ اتحاد کی بات کی اور جو بھی کیا جمہوریت کی خاطر کیا۔

رہنما پیپلزپارٹی نے کہا کہ پرویز رشید نے بیان دیا نیب کے ناخن کاٹیں گے واہ کیا بات ہے ان کی، یہ کہتے ہیں سپریم کورٹ بھی ہمارے خلاف فیصلے دے گی تو دن میں تارے دکھا دیں گے، ایسے بیانات سے ن لیگ کو گریز کرنا چاہئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں