تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

دنیا کی سب سے بلند چوٹی سے متعلق اہم خبر

کھٹمنڈو: دنیا کی سب سے بلند چوٹی ماؤنٹ ایورسٹ کی اونچائی میں اضافہ ہو گیا۔

تفصیلات کے مطابق ماؤنٹ ایورسٹ کی نئی پیمائش کی گئی ہے، جس میں یہ حیران کن بات سامنے آئی ہے کہ دنیا کی اس مشہور ترین چوٹی کی اونچائی میں 3 فٹ کا اضافہ ہو گیا ہے۔

نئی پیمائش نیپال اور چین نے کی ہے، اور اب ماؤنٹ ایورسٹ کی اونچائی 8848.86 میٹر (29,031.69 فٹ) ہو گئی ہے۔

گزشتہ پیمائش کے مطابق ماؤنٹ ایورسٹ کی اونچائی 8848 میٹر تھی، چینی اور نیپالی صدور نے اس پیمائش پر ایک دوسرے کو مبارک باد بھی دی ہے۔

اس منصوبے کی قیادت کرنے والے اور نیپال کے چیف سروے آفیسر سوشیل ڈانگول نے کہا کہ ہمیں یقین ہے کہ اب تک حاصل ہونے والی یہی ایورسٹ کی سب سے درست اونچائی ہے، یہ ہم پر ایک بہت بڑی ذمہ داری تھی، اور یہ ہمارے لیے بڑے فخر کا لمحہ ہے۔

ماہرین کا کہنا ہے کہ یہ پیمائش ممکن ہے ایورسٹ کی اسٹینڈرڈ اونچائی بن جائے، کولراڈو یونی ورسٹی کے ماہر ارضیات روگر بلہم کا کہنا ہے کہ یہ بہت مشکل ہوگا کہ اس نئی پیمائش میں بھی بہتری لائی جائے، نیپال کی یہ پیمائش قابل ذکر ہے۔

دوسری طرف ماہرین ارضیات کا یہ بھی کہنا ہے کہ ایورسٹ کی درست بلندی ایک متحرک ہدف ہے، یعنی ٹیکٹونک پلیٹوں اور زلزلوں کی وجہ سے اس میں تبدیلی آ سکتی ہے۔

Comments

- Advertisement -