لاس اینجلس : ہالی ووڈ کی نئی فلم ’’بلیک پینتھر‘‘ سنیما کے پردے پر سج گئی، فلمی جوتشیوں نے پیش گوئی کردی ہے کہ بلیک پینتھر باکس آفس پر کامیابی کے نئے ریکارڈ بنائے گی۔
تفصیلات کے مطابق ایکشن ایڈونچر سے بھرپور نئی سائنس فکشن فلم’’بلیک پینتھر‘‘ سینماؤں پر نمائش کیلئے پیش کردی گئی، سیاہ فام سپر ہیرو کے دیوانوں کا انتظار ختم ہوگیا، مارولز کا سیاہ فام سپر ہیرو تہلکہ مچانے آگیا۔
فلم کی کہانی افریقی ریاست واکانڈا کے بادشاہ کے گرد گھومتی ہے جو اپنی سلطنت بچانے کے لئے ’کنگ ٹی چالا‘ بلیک پینتھر کا روپ دھارتا ہے۔
سلطنت کو ٹکڑے ہونے سے بچانے کیلئے ’کنگ ٹی چالا‘ بلیک پینتھر کا روپ دھار کر سی آئی اے ایجنٹ اور ریاست واکانڈا کی سلطنت کی سیکیورٹی فورسز کی مدد سے اپنے دشمنوں کا خاتمہ کرنے کیلئے اعلانِ جنگ کر دیتا ہے۔
غیر مرئی طاقتوں سے بھرپور بادشاہ ٹی چالار ریلیز سے ہی پہلے ہی باکس آفس پر اپنی دھاک بٹھا چکاہے، فلم میں مرکزی کردار اداکار چیڈوِک بوسمین نبھارہے ہیں۔
دیگر اداکاروں میں مائیکل جارڈن، لیوپیٹا یانگ، مارٹن فری مین، ڈینئیل کالویا، وِنسینٹ ڈوک، فاریسٹ وائیٹیکر، ایجلا بیسٹ اور اینڈی سرکس شامل ہیں۔ فلمی جوتشیوں نے پیش گوئی کردی’’بلیک پینتھر‘‘ پہلے ہفتے میں ہی کامیابی کے نئے ریکارڈ قائم کرےگی۔
