The news is by your side.

Advertisement

اسلام آباد میں ایک اور متحدہ بنائے جانے کی پلاننگ کی جا رہی ہے، الطاف حسین

لندن : ایم کیو ایم قائد الطاف حسین کا کہنا ہے کہ انکے خلاف سازش ہو رہی ہے، اسلام آباد میں ایک اور متحدہ بنائے جانے کی پلاننگ کی جا رہی ہے، رابطہ کمیٹی پلان بنائے شہداء سے اظہار یکجہتی کے لئے تبت سینٹر سے ریلی نکالنے کا پلان ترتیب دے۔

نائن زیرو پر تحریک کے شہداء، اسیروں اور لاپتہ کارکنوں کے اہل خانہ سے خطاب میں الطاف حسین کا کہنا تھا کہ وہ فوج ، رینجرز ، پولیس اور تمام قومی اداروں کا احترام پہلے بھی کرتے تھے اور آج بھی کرتے ہیں، رینجرز ، فوج اور پولیس کے اہل خانہ انکے بچوں کی طرح ہیں۔

انھوں نے وزیراعظم، وزیرِ داخلہ اور آرمی چیف سے اپیل کی کہ وہ متحدہ کے بے گناہ کارکنوں کو فی الفور رہا کرائیں، انھوں نے رابطہ کمیٹی کو ہدایت کی کہ ایک ہفتے کے اندر اندر لاپتہ کارکنوں کی بازیابی کے لیے کوشیشں کی جائیں ساتھ ہی انھوں نے شہداء کے اہل خانہ کو ہدایت دی کہ وہ تیار رہیں جلد اسلام آباد جا کر سپریم کورٹ میں انفرادی اور اجتماعی طور پر لاپتہ کارکنوں اور ماورائے عدالت قتل ہونے والے کارکنوں کے حوالے سے پٹیشن بھی داخل کرائی جائے گی۔

الطاف حسین کا کہنا تھا کہ وہ لاپتہ اور ماورائے عدالت قتل کارکنوں کا معاملہ اقوام متحدہ میں بھی اٹھائیں گے، انھوں نے رابطہ کمیٹی کے سابقہ ممبران کو تنقید کا نشانہ بناتے ہوئے کہا کہ اس کڑے وقت میں جو اراکین رابطہ کمیٹی ملک سے فرار ہوگئے ہیں اور جو وزارتوں کا مزہ اڑا کر بھاگ گئے ہیں، اگر آج وہ الطاف حسین کو چھوڑ کر جا رہے ہیں تو ایسی صورت میں وہ کیا کریں۔

دوسری جانب الطاف حسین نے اے آر وائی کے خلاف مظاہرہ کرنے کے حوالے سے بھی رابطہ کمیٹی کو پلان ترتیب دینے کی ہدایت کر دی ہے، الطاف حسین کا کہنا تھا کہ اے آر وائی نے آزادی صحافت اور شہداء کا مذاق اڑایا، اسکے خلاف مظاہرہ ہی نہیں بلکہ اے آر وائی کو کراچی اور سندھ میں نہیں چلنے دیں گے۔

Comments

comments

یہ بھی پڑھیں