The news is by your side.

Advertisement

کراچی عامر خان کیس، پانچ مفرور ملزمان کے ناقابل ضمانت وارنٹ گرفتاری جاری

کراچی : انسداد دہشت گردی کی عدالت نے ایم کیو ایم کے رہنما عامر خان کیس میں ایک بار پھر پانچ ملزمان کے ناقابل ضمانت وارنٹ گرفتاری جاری کردیئے

عامر خان کیس کی سماعت انسداد دہشت گردی کی عدالت میں ہوئی ۔ سماعت کے دوران عدالت نے پانچ مفرور ملزمان رئیس مما، منہاج قاضی ، نعیم ، شہزاد ، عمران ایاز نیازی کے ناقابل ضمانت وارنٹ گرفتاری جاری کئے.

ملزمان کے وارنٹ اس سے پہلے بھی جاری کیے جاچکے ہیں تاہم اب تک انہیں گرفتار نہیں کیا جاسکا، عامر خان کیس کی سماعت اب پندرہ دسمبر کو ہوگی.

گزشتہ سماعت میں ایم کیو ایم کے رہنما عامر خان کے کیس کی انسداد دہشت گردی کی عدالت نے ایم کیو ایم کے پانچ کارکنان کے ناقابل ضمانت وارنٹ گرفتاری جاری کر دیئے۔ عدالت کا مفرور ملزمان کو تیس نومبر تک گرفتار کر کے عدالت میں پیش کرنے کا حکم دیا تھا .

ملزمان پر ایم کیو ایم کے مرکز پر دہشت گردوں کو پناہ دینے کا الزام ہے، عدالت کو بتایا گیا تھا کہ ملزمان نے ایم کیو ایم کے مرکز نائن زیرو پر تیس سے زائد خطرناک دہشت گردوں کو پناہ دی۔ ملزمان دہشت گردی، ٹارگٹ کلنگ اور جرائم کی وارداتوں میں ملوث ہیں.

وضاحت : گزشتہ روز شائع ہونے والی اس خبر، جس میں پانچ ملزمان کے ساتھ عامرخان کا نام غلطی سے شامل ہوگیا تھا، اس کے لئے ہم معذرت خواہ ہیں ، مندرجہ بالا خبر میں اس کی تصیح کردی گئی ہیں. – ایڈیٹر

Print Friendly, PDF & Email

Comments

comments

یہ بھی پڑھیں