پاک سرزمین پارٹی کا ریڈ زون میں آنا مناسب نہیں تھا: نثار کھوڑو -
The news is by your side.

Advertisement

پاک سرزمین پارٹی کا ریڈ زون میں آنا مناسب نہیں تھا: نثار کھوڑو

کراچی: ایم کیو ایم پاکستان اور پیپلز پارٹی دونوں نے پاک سرزمین پارٹی کی گزشتہ روز کی ریلی کو تنقید کا نشانہ بنا ڈالا۔

تفصیلات کے مطابق کراچی میں پاک سرزمین پارٹی کی ریلی کے حوالے سے سندھ میں سیاسی مخالفین یک زبان ہو گئے۔

ایم کیو ایم پاکستان کے خواجہ اظہار الحسن نے ریلی کو تنقید کا نشانہ بناتے ہوئے کہا کہ ہمارا ملین آج بھی 6 صفر کا ہے۔ لوگوں نے شاید 2 صفر کو ملین سمجھ لیا ہے۔

مزید پڑھیں: مصطفیٰ کمال اور مرکزی قیادت گرفتار

سینیئر صوبائی وزیر نثار کھوڑو نے کہا کہ سیاسی سرگرمیوں سے کسی کو نہیں روکا لیکن پاک سرزمین پارٹی کا ریڈ زون میں دھرنا دینا مناسب بات نہیں تھی۔

انہوں نے کہا یہ الگ بات ہے کہ 10 لاکھ لوگ تھے یا نہیں، حکومت نے اپنی رٹ قائم کرنے کی کوشش کی تھی۔

یاد رہے کہ گزشتہ روز پاک سرزمین پارٹی کی ریلی کے دوران پولیس نے مظاہرین پر واٹر کینن کا استعمال کیا اور شیلنگ کی۔ پارٹی کے سربراہ مصطفیٰ کمال اور دیگر رہنماؤں کو گرفتار بھی کیا گیا تاہم بعد ازاں انہیں رہا کردیا گیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں