site
stats
سندھ

ن لیگ کو ووٹ، ایم کیو ایم نے سینیٹر عتیق سے وضاحت طلب کرلی

کراچی: متحدہ قومی موومنٹ پاکستان کے سربراہ فاروق ستار نے ن لیگ کو ووٹ دینے پر اپنے سینیٹر میاں عتیق سے وضاحت طلب کرلی۔

تفصیلات کے مطابق انتخابی اصلاحات بل کے ذریعے نواز شریف کو دوبارہ ن لیگ کا سربراہ بنائے جانے کے معاملے پر ایم کیو ایم پاکستان کے سینٹر میاں عتیق نے ن لیگ کے حق میں ووٹ دیا تھا جس پر اس بل کی مخالفت میں پیش کی گئی ترمیم محض ایک ووٹ سے مسترد ہوگئی۔

اب خبر آئی ہے کہ ن لیگ کے حق میں ووٹ دینے پر فاروق ستار نے میاں عتیق سے وضاحت طلب کرلی ہے۔

ایم کیو ایم پاکستان کے سربراہ ڈاکٹر فاروق ستار نے کہا ہے کہ سینیٹرمیاں عتیق ن لیگ کو ووٹ دینے پر وضاحت دیں اگر ان کے خلا ڈسپلنری کارروائی کرنا پڑی تو ضرور کروں گاکوئی بری الذمہ نہیں،سب پارٹی پالیسی کے پابند ہیں۔


اسی سے متعلق: نااہل شخص پارٹی عہدہ کیسے رکھ سکتا ہے‘ فاروق ستار


فاروق ستار کا کہنا تھا کہ میاں عتیق نےجان بوجھ کر ووٹ دیا تو کارروائی ہوگی،ایم کیو ایم کی پالیسی صاف تھی، سینیٹ سے واک آؤٹ کرنا تھا۔

دوسری جانب میاں عتیق کا کہنا ہے کہ صبح تک مجھے پارٹی کا پیغام نہیں ملا تھا،غلط فہمی میں ووٹ ڈال دیا، مجھےقربانی کا بکرا نہ بنایا جائے۔

میاں عتیق نے مزید کہا کہ پارلیمانی لیڈر نے کچھ اور ڈپٹی پارلیمانی لیڈر نے کچھ اور بتایا،پارٹی کو وضاحت ضرور دوں گا۔

اے آر وائی نیوز کے نمائندے رافع حسین نے بتایا کہ ن لیگ کو ووٹ ڈالنے پر ایم کیو ایم میں تشویش کی لہر دوڑ گئی ہے اورمیاں عتیق سے سختی سے وضاحت طلب کی گئی ہے جس کے جواب میں وہ اپنا واضح موقف دے چکے ہیں کہ انہیں بیک وقف دو پیغامات ملے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top