زبردستی دکانیں کھلوائی جارہی ہیں کاروبارکھول لیاجائے، رابطہ کمیٹی -
The news is by your side.

Advertisement

زبردستی دکانیں کھلوائی جارہی ہیں کاروبارکھول لیاجائے، رابطہ کمیٹی

کراچی : متحدہ قومی موومنٹ کی رابطہ کمیٹی نے رینجرزکی جانب سے کراچی میں بازاروں، مارکیٹوں ، دکانوں اورپیٹرول پمپوں کوزبردستی کھلوانے اوردکانیں کھولنے سے انکارکرنے والے دکانداروں اورتاجروں کوڈرانے دھمکانے کی شدیدمذمت کی ہے۔

اپنے ایک بیان میں رابطہ کمیٹی نے کہاکہ منگل کی رات کوایم کیوایم کے سینئررہنمااورسینئرڈپٹی کنوینرڈاکٹرفاروق ستارکے گھرکاجس طرح محاصرہ کیاگیااورجس طرح ان کے اہل خانہ اورعلاقہ مکینوں کوہراساں کیاگیااس پر پرامن احتجاج کرناہماراآئینی وقانونی اورجمہوری حق ہے اوراسی حق کواستعمال کرتے ہوئے ایم کیوایم نے اس ظلم کے خلاف آج پرامن احتجاج کااعلان کیاتھا لیکن ایم کیوایم کے احتجاج کوطاقت سے دبانے کیلئے رینجرزکی جانب سے شہرکے مختلف علاقوں میں دکانداروں، تاجروں، ٹرانسپورٹرز اور شہریوں کو جس طرح ڈرایادھمکایاگیا۔

انہوں نے کہا کہ کہا ہے کہ تاجروں اوردکانداروں کے ساتھ جس طرح زور زبردستی کی جارہی ہے اس کے پیش نظر ہم دکانداروں سے اپیل کرتے ہیں کہ وہ اپنی دکانیں اورکاروبارکھول لیں۔

دکانداروں کوگھروں سے بلوا بلواکرزبردستی ان کی دکانیں اورکاروبارکھلوایاگیا لیکن پھربھی مختلف علاقوں میں دکانداروں نے اپنی دکانیں کھولنے سے انکارکیاتوسادہ لباس میں ملبوس اہلکاران کے گھروں پر جاکردھمکارہے ہیں اورانہیں فون پر بھی دھمکیاں دی جارہی ہیں جوانتہائی شرمناک ہے۔

رابطہ کمیٹی نے کہا کہ اپنا کاروبارکھلوانے کیلئے دکانداروں پرجس طرح کادباوٴڈالاجارہا ہے اس کے پیش نظرہم خود دکانداروں سے اپیل کرتے ہیں کہ وہ اپنا کاروبار اور دکانیں کھول لیں، رابطہ کمیٹی نے تمام ترریاستی جبروستم اور دباوٴ کے باوجود ایم کیوایم کی اپیل پرساتھ دینے پر تاجروں، دکانداروں اورٹرانسپورٹرزکا شکریہ اداکیا۔

دوسری جانب کراچی میں زبردستی دکانیں بند کرانے کے الزام پر پرگلبرگ سے ایم کیوایم کا یونٹ انچارج رضوان کو گرفتار کرلیا گیا ہے۔

Comments

comments

یہ بھی پڑھیں