The news is by your side.

Advertisement

متحدہ قومی موومنٹ کا خالد شمیم کی ویڈیو پرچوہدری نثار سے سوال

کراچی : ایم کیوایم کی رابطہ کمیٹی نے داکٹر عمران فاروق قتل کیس میں خالد شمیم کے ویڈیو بیان پر چوہدری نثار سے وضاحت مانگ لی۔

تفصیلات کے مطابق متحدہ قومی موومنٹ کی رابطہ کمیٹی نے ڈاکٹر عمران فاروق کیس میں خالد شمیم کی ویڈیو منظرعام پرآنے کے بعد چوہدری نثارعلی خان سے سوال کیا ہے کہ وہ قوم کے سامنے آکر بتائیں کہ جیل سے خالد شمیم کی ویڈیو کیسے بنی؟ ریکارڈ شدہ ویڈیو کیسے اور کس قانون کے تحت باہر آئی؟

انہوں نے اپنے بیان میں کہا کہ بعض نادیدہ قوتوں نے ملک کے آئین وقانون کو مذاق بنا کر رلکھ دیا ہے، جس ے ناصرف ملک بلکہ خود قانون نافذ کرنے والے اداروں کی بدنامی ہورہی ہے.

رابطہ کمیٹی کا کہنا تھا کہ ایم کیو ایم کے قائد کے خلاف مقدمات جھوٹے مقدمات بنانے کے لئے سرکاری ایجنسیاں جس قدر گر چکی ہیں اسکی مثال نہیں ملتی، ساتھ ہی ان کا کہنا تھا کہ وزیرداخلہ قوم کو بتائیں کہ قانوں توڑنے والے کتنے ہی طاقتور کیوں نہ ہوں انہیں سزا دی جائے گی۔

واضح رہے کہ ایم کیو ایم کے رہنما فاروق ستار کی جانب سے اس ویڈیو کو متحدہ قومی موومنٹ کے خلاف میڈیا ٹرائل کا تسلسل کہا گیا ہے۔

بعد ازاں وزیر داخلہ چوہدری نثار علی خان نے اڈیالہ جیل میں قید ایم کیو ایم رہنما عمران فاروق قتل کیس کے ملزم خالد شمیم کے ویڈیو بیان کا نوٹس لیتے ہوئے تحقیقات کا حکم دے دیا۔

Print Friendly, PDF & Email

Comments

comments

یہ بھی پڑھیں