The news is by your side.

Advertisement

متحدہ کا سندھ حکومت کے خلاف وائٹ‌ پیپر جاری کرنے کا فیصلہ

کراچی: ایم کیو ایم پاکستان نے سندھ حکومت کی کرپشن لوٹ مار پر وائٹ پیپر جاری کرنے کا فیصلہ کرلیا، متحدہ قیادت اور میئر کراچی پریس کانفرنس میں ثبوت بھی پیش کریں گے۔

ذرائع کے مطابق ایم کیو ایم پاکستان کے رہنماؤں کا ڈاکٹر فاروق ستار کی قیادت میں اہم اجلاس منعقد کیا گیا جس میں پیپلزپارٹی اور سندھ حکومت کے خلاف کھل کر سامنے آنے کا فیصلہ کیا گیا ہے۔

ایم کیو ایم پاکستان کے اسمبلی اراکین اور میئر کراچی سندھ حکومت کی کرپشن، لوٹ مار کے حوالے سے وائٹ پیپر جاری کریں گے اور متحدہ قیادت اس ضمن میں عدالت سے بھی رجوع کرے گی۔

متحدہ ذرائع نے کہا ہے کہ کل پیش کیے جانے والے وائٹ پیپر میں پیپلزپارٹی اور سندھ حکومت کی کرپشن کے ثبوت پیش کیے جائیں گے، جن میں غیر قانونی بھرتیوں، وزارتوں میں کرپشن ، وزیر بلدیات اور وزیرزراعت کی کرپشن کے ثبوت پیش کیے جائیں گے۔

Print Friendly, PDF & Email

Comments

comments

یہ بھی پڑھیں