The news is by your side.

Advertisement

وزیراعظم سے ایم کیو ایم کے وفد کی ملاقات، حکومت کی تحفظات دور کرانے کی یقین دہانی

کراچی: وزیراعظم عمران  خان سے ایم کیو ایم کے وفد نے ملاقات کی، ایم کیو ایم نے پی ٹی آئی سربراہ کو  اپنے تحفظات سے آگاہ کیا .

تفصیلات کے مطابق کراچی پہنچنے پر وزیر اعظم کی ایم کیو ایم کے وفد سے ملاقات ہوئی، وفد میں خالد مقبول، عامرخان، نسرین جلیل، کنورنوید، فیصل سبزواری، وسیم اختر شامل تھے.

اس اہم ملاقات میں گورنرسندھ عمران اسماعیل بھی موجودتھے، ایم کیو ایم نے اپنے تحفظات وزیراعظم کے سامنے رکھے.

میئر کراچی نے  اس دوران تحریری معاہدے اور کراچی پیکج پرعمل درآمد پر زور دیا، میئر کراچی نے مزید کہا کہ ماس ٹرانزٹ سسٹم کے لئے وفاق تعاون کرے، ایم کیو ایم کی جانب سے یہ مطالبہ بھی کیا گیا کہ مسائل کےحل کے لئے پیکج پرعمل درآمد کرایا جائے.

ایم کیو ایم نے دفاتر کھولنے، رہنماؤں کی سیکیورٹی کا معاملہ بھی اٹھایا، عامر خان نے حیدر آباد یونیورسٹی کے قیام کا معاملہ اٹھا دیا.

مزید پڑھیں: آنے والے دنوں میں گوادر کی ترقی سے پوری دنیا کو فائدہ ہوگا: وزیر اعظم

اس موقع پر وزیر اعظم نے یقین دہانی کروائی کہ اتحادی جماعتوں کے تحفظات دور کئے جائیں گے.

یاد رہے کہ آج وزیر اعظم نے دورہ بلوچستان میں نیو  گوادر انٹرنیشنل ایئرپورٹ کا افتتاح کیا۔ اس موقع پر انھوں نے کہا کہ  آنے والے دنوں میں گوادر کی ترقی سے پوری دنیا کو فائدہ ہوگا۔

Comments

comments

یہ بھی پڑھیں