The news is by your side.

پی ٹی آئی کی سازشوں کے خلاف پی پی، ایم کیو ایم ایک پیج پر ہیں‘

کراچی: وزیر اطلاعات سندھ شرجیل انعام میمن کا کہنا ہے کہ ملک کے خلاف پی ٹی آئی کی سازشوں کے خلاف پیپلزپارٹی اور ایم کیو ایم ایک پیج پر ہیں۔

اے آر وائی نیوز کے مطابق ایم کیو ایم پاکستان کا مرکزی وفد خصوصی دعوت پر وزیراعلیٰ ہاؤس پہنچا اس موقع پر مختلف امور پر گفتگو کی گئی۔

شرجیل انعام میمن نے کہا کہ ایم کیو ایم اداروں کے خلاف پی ٹی آئی کی تقاریر پر حکومت کے ساتھ کھڑی ہے ان کے تحفظات دور کرنے پر بات چیت ہورہی ہے۔

انہوں نے کہا کہ ہماری ترجیح ہے کہ کراچی، حیدرآباد سمیت سندھ کا ہر شہر ترقی کرے، سندھ کے 20 فیصد علاقوں میں آج بھی ڈی واٹرنگ کا کام ہورہا ہے۔

’حملہ ڈرامہ فلاپ ہونے کے بعد بھی بھٹکتی روح کو چین نہیں‘

اس سے قبل شرجیل میمن کا کہنا تھا کہ لانگ مارچ کا مقصد صرف گمراہ کن پروپیگنڈہ کرنا ہے حملہ ڈرامہ فلاپ ہونے کے بعد بھی بھٹکتی روح کو چین نہیں ہے 2 دن بعد ہونے والا مارچ بھی لانگ نہیں شارٹ ہی ہوگا۔

ان کا کہنا تھا کہ پنڈی اسلام آباد کا امن خراب کرنے کی ہر سازش ناکام بنائی جائے گی عمران خان اور اس کا نااہل ٹولہ عوام کو ٹرک کی بتی کے پیچھےلگا رہا ہے۔

Comments

یہ بھی پڑھیں