ایم کیو ایم نے وزیرِ اعظم عمران خان کو لاپتا افراد کی فہرست پیش کر دی -
The news is by your side.

Advertisement

ایم کیو ایم نے وزیرِ اعظم عمران خان کو لاپتا افراد کی فہرست پیش کر دی

کراچی: متحدہ قومی موومنٹ کا وفد وزیرِ اعظم سے اسٹیٹ گیسٹ ہاوٴس میں ملاقات کر رہا ہے، وفد نے دیگر مطالبات کے ساتھ ساتھ وزیرِ اعظم عمران خان کو اپنے لاپتا کارکنوں کی فہرست بھی دے دی۔

تفصیلات کے مطابق ایم کیو ایم کا وفد جس میں خالد مقبول، کنور نوید، نسرین جلیل، عامر خان، فروغ نسیم اور دیگر اراکین شامل ہیں، اسٹیٹ گیسٹ ہاؤس میں وزیرِ اعظم کے ساتھ ملاقات کر رہا ہے۔

ملاقات میں ایم کیو ایم تحریکِ انصاف ورکنگ ریلیشن شپ پر بات چیت کی گئی، کراچی میں ضمنی انتخابات سمیت کراچی، حیدر آباد ترقیاتی پیکیج پر بھی غور کیا گیا۔ ذرائع نے کہا کہ ایم کیو ایم وفد نے وزیرِ اعظم کے سامنے سیاسی دفاتر کھولنے کا بھی مطالبہ رکھا۔

ذرائع کا کہنا ہے کہ وفاق کے تعاون سے حیدر آباد یونی ورسٹی کے قیام سمیت دیگر امور پر بات چیت کی گئی اور اتحادیوں میں تحریری معاہدے پر عمل در آمد سے متعلق بھی پیش رفت کا جائزہ لیا گیا۔


وزیراعظم بننے کے بعد عمران خان کی مزارِ قائد پر پہلی حاضری


واضح رہے کہ وزیرِ اعظم عمران خان ایک روزہ دورے پر کراچی پہنچ گئے ہیں، انھوں نے دورے کا آغاز مزارِ قائد پر حاضری سے کیا، کراچی پہنچنے پر گورنر سندھ عمران اسماعیل اور وزیرِ اعلیٰ سندھ مراد علی شاہ نے ان کا استقبال کیا جس کے بعد وہ مزار قائد گئے۔

Comments

comments

یہ بھی پڑھیں