The news is by your side.

Advertisement

ڈاکٹرفاروق ستارکا کوآرڈینیٹر آفتاب احمد گرفتار، نامعلوم مقام پر منتقل

کراچی : متحدہ قومی موومنٹ کی رابطہ کمیٹی کے ڈپٹی کنوینئر ڈاکٹر فاروق ستار کے کوآرڈینیٹر کو قانون نافذ کرنے والے اداروں نےحراست میں لے لیا، آفتاب احمد کو تفتیش کیلئے نامعلوم مقام پر منتقل کردیا گیا۔

تفصیلات کے مطابق متحدہ قومی موومنٹ کے سینئر رہنماء ڈاکٹر فاروق ستار کے کوآرڈینیٹر آفتاب احمد کو فیڈرل بی ایریا سے ان کی رہائش گاہ کے قریب سے حراست میں لیا گیا۔ فی الحال ان کی گرفتاری کی وجوہات سے متعلق کچھ نہیں بتایا گیا ہے۔

آفتاب حسین 1990ء سے ایم کیو ایم سے وابستہ ہیں اور سال 2002 سے ایم کیو ایم کے رہنماء ڈاکٹر فاروق ستار کے کوآرڈینیٹر کی حیثیت سے فرائض سرانجام دے رہے ہیں۔

ایم کیو ایم ذرائع کے مطابق آفتاب حسین کو ان کے گھر سے سادہ لباس اہلکاروں نے حراست میں لیا ہے۔

ڈاکٹر فاروق ستار نے آفتاب احمد کی گرفتاری پر تشویش کا اظہار کرتے ہوئے کہا کہ آفتاب کئی سالوں سے ان کے ساتھ اپنی ذمے داریاں انجام دے رہا تھا۔ فاروق ستار کا کہنا ہے کہ وہ ایک شریف انسان ہے اور اپنا بزنس بھی چلا رہا تھا۔

 

Comments

comments

یہ بھی پڑھیں