site
stats
پاکستان

پاکستان مخالف نعرے، متحدہ رکن سندھ اسمبلی ارم عظیم فاروقی مستعفی

کراچی : ایم کیو ایم کی رکن صوبائی اسمبلی ارم عظیم فارقی نے سندھ اسمبلی کی رکنیت اور ایم کیو ایم سے استعفی دینے کا اعلان کردیا ۔

تفصیلات کے مطابق متحدہ قومی مومنٹ کی رکن اسمبلی ارم عظیم فارقی نے صوبائی اسمبلی کی رکنیت سے استعفی دینے کا اعلان کرتے ہوئے کہا کہ میں نے ایم کیو ایم اور سندھ اسمبلی دونوں کو چھوڑ دیا ہے۔

اے آر وائی نیوز سے ٹیلیفونک گفتگو میں انہوں نے کہا کہ میں مستعفی ہونے کا فیصلہ تین ماہ قبل ہی کرچکی تھی، مجھے مصطفی کمال اور انیس قائم خانی کو بھائی کہنے پر لندن سے معطل کردیا گیا تھا اور مجھے گھر بٹھا دیا گیا تھا کہ پارٹی کے کسی ایونٹ میں شامل نہیں ہوں گی۔

انہوں نے کہا کہ مجھے آج کی پاکستان مخالف تقریر سے دکھ ہوا، میں قائد ایم کیو ایم کی تقریر کی مذمت کرتی ہوں، پاکستان کی بات کرنے والے قائد ایم کیوایم کو آج کیا ہوگیا؟ وہ تو پاکستان بنانے والوں کی اولادوں میں سے ہیں۔

ان کا کہنا تھا کہ میں پاکستانی ہوں اور ایسے نعروں میں شامل نہیں ہوسکتی، استعفی کا فیصلہ کرچکی تھی لیکن اس پر عمل درآمد آج کیا، نعروں پراور قائد تحریک کی پاکستان مخالف تقریر پردکھ ہوا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top