site
stats
سندھ

ایم کیو ایم آج الیکشن کمیشن دفاترکے باہر احتجاجی مظاہرے کرے گی

کراچی : نامزد مئیر  وسیم اختر نے کہا ہے کہ  حکومت سندھ اپنی چالبازیوں کے ذریعے مئیر، ڈپٹی مئیر اور ڈسٹرکٹ چیئرمین کے انتخابات کو  گھسیٹ کر عدالت لے جاتی ہے اور کبھی الیکشن کمیشن اس گیند کو عدالت کی کورٹ میں پھینک دیتا ہے۔

تفصیلات کے مطابق کراچی پریس کلب پر نامزمئیر ، ڈپٹی مئیر اور بلدیاتی امیدواران کے ہمراہ پریس کانفرنس کرتے ہوئے وسیم اختر نے کہا کہ ’’ مئیر، ڈپٹی مئیر اور ڈسٹرکٹ چیئرمین کے انتخابات کو ملتوی کئے جانے کے خلاف آج کراچی سمیت سندھ کے شہری علاقوں حیدرآباد، سکھر، میرپورخاص، نوابشاہ  میں تمام بلدیاتی امیدواران صوبائی الیکشن کمیشن کے باہر پرامن احتجاجی مظاہرہ کیا جائے گا۔

انہوں نے مزید کہا کہ میئر، ڈپنی مئیر اور ڈسٹرکٹ چیئرمین کے انتخابات کو ایک سازش کے تحت  مسلسل تاخیر کی جارہی ہے اور سوچے سمجھے منصوبے کے تحت اس عمل میں رکاوٹیں کھڑی کی جارہی ہیں۔

انہوں نے سپریم کورٹ سے اپیل کی کہ میئر ، ڈپٹی میئر اور ڈسٹرکٹ چیئرمین کے انتخاب ملتوی کئے جانے کا از خود نوٹس لیں اور فی الفور انتخابات کا حکم جاری کریں ۔ انہوں نے الیکشن کمیشن آف پاکستان سمیت تمام ارباب اختیار سے مطالبہ کیا کہ خدارا کراچی اور سندھ دشمنی بند کی جائے اور میئر ، ڈپٹی میئر اور ڈسٹرکٹ چیئرمین کے انتخابات فی الفور کرائے جائیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top