The news is by your side.

Advertisement

جنوبی پنجاب صوبہ بنانا اتنا آسان نہیں جتنا کہا جارہا ہے: خواجہ اظہار الحسن

کراچی: متحدہ قومی موومنٹ کے مرکزی رہنما خواجہ اظہار الحسن نے کہا ہے کہ جنوبی پنجاب صوبہ بنانا اتنا آسان نہیں ہے جتنا کہا جارہا ہے، نئے صوبے کا قیام ایک طویل عمل ہے۔

ان خیالات کا اظہار انہوں نے اے آر وائی نیوز کے پروگرام ’الیونتھ آور‘ میں انٹرویو دیتے ہوئے کیا، خواجہ اظہار الحسن کا کہنا تھا کہ پورے پاکستان میں انتظامی امور پر نئے صوبے بننے چاہئیں، زیادہ آبادی ہونے سے صوبے نہیں سنبھل سکتے، نئے صوبوں کے قیام کے حق میں ہیں۔

انہوں نے کہا کہ پاکستان میں جنوبی پنجاب کے علاوہ مختلف علاقوں میں صوبوں کی ضرورت ہے، انتظامی بنیادوں پر پورے ملک میں صوبے بننے چاہئیں، اگر ایسا ہوا تو ہم اس کی حمایت کریں گے، اور مسائل کے حل کے لیے صوبوں کا قیام ضروری ہے۔


پی آئی بی اور بہادر آباد بحران میں کلیدی کردار خواجہ اظہار الحسن کا بھی ہے: کامران ٹیسوری


پوچھے گئے سوال پر رہنما ایم کیو ایم کا کہنا تھا کہ ڈاکٹر فاروق ستار ہمارے ساتھ ہیں، ایم کیو ایم پاکستان کراچی کی 21 سیٹیں جیت لے گی، اس بار کا الیکشن ہمارے لیے تھوڑا منفرد ہے، لیکن کراچی میں ایم کیو ایم کا ووٹ بینک کوئی نہیں ختم کر سکتا۔


پی پی اوردیگر پارٹیاں ہمارے جلسے سے گھبرا گئی ہیں: خواجہ اظہار الحسن


خواجہ اظہار الحسن کا کہنا تھا کہ آئندہ کا الیکشن ایم کیو ایم پاکستان کے لیے ایک ٹیسٹ کیس ہے، آئندہ الیکشن میں تشدد بہت کم ہوگا، پتنگ کسی بھی صورت پیچھے نہیں ہٹے گی، اپنی سیٹیں حاصل کریں گے، مخالفین جو چاہے کر لیں لیکن کراچی سے ہمارے مینڈٹ کوئی نہیں چھین سکتا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں