متحدہ رہنما عامر خان، عامر لیاقت حسین اور ساجد احمد بھی زیر حراست -
The news is by your side.

Advertisement

متحدہ رہنما عامر خان، عامر لیاقت حسین اور ساجد احمد بھی زیر حراست

کراچی : رینجرز اور قانون نافذ کرنے والے اداروں نے ایم کیو ایم کے اہم رہنما عامر خان اور رکن اسمبلی ساجد احمد کو بھی زیر حراست لے لیا۔

تفصیلات کے مطابق ایم کیو ایم کے کارکنان کی اے آر وائی نیوز کے دفتر پر حملے کے بعد قانوں نافذ کرنے والے ادارے متحرک ہوگئے جس کے بعد رینجرز اور قانون نافز کرنے والے اداروں نے کراچی کے علاقے ملیر سے ایم کیو ایم کے رکن اسمبلی ساجد احمد کو زیر حراست لے لیا گیا ۔

اے آر وائی نیوز پر حملے کے باعث قانوں نافذ کرنے والے اداروں نے آپریشن کا فیصلہ کرلیا ہے جس کے بعد متحدہ قومی مومنٹ کے اہم رہنما عامر خان کو گرفتار کرلیا گیا۔

بعد ازاں آئی آئی چندریگر روڈ پر واقع دفتر سے رینجر اہلکار نے ایم کیو ایم کے اہم رہنما ڈاکٹر عامر لیاقت حسین کو بھی گرفتار کر لیا گیا ۔

ذرائع کے مطابق قانوں نافذ کرنے والے اداروں کی جانب سے متحدہ قومی مومنٹ کے کئی اہم رہنماوں کو رینجرز ہیڈ کوارٹر طلب کرلیا گیا ہے، ساتھ ہی ایئرپورٹ پر بھی الرٹ جاری کردیا گیا ہے کہ ایم کیوایم کا کوئی بھی رہنما ملک یا شہر سے باہر نہیں جاسکتا ہے۔

اس سے قبل کراچی پریس کلب سے رینجرز نے متحدہ قومی موومنٹ کے ڈپٹی کنوینئر ڈاکٹر فاروق ستار،ارکان سندھ اسمبلی خواجہ اظہار الحسن اور خواجہ سہیل اور نامزد ڈپٹی میئر ارشدہ وہرہ  کو حراست میں لے کر رینجرز ہیڈ کوارٹر منتقل کردیا تھا۔

دوسری جانب کراچی کے علاقے عزیز آباد پر واقع ایم کیو ایم کے ہیڈ کوارٹر نائن زیرو کے اعتراف میں رینجرز کی بھاری نفری موجود ہے ۔

Comments

comments

یہ بھی پڑھیں