The news is by your side.

Advertisement

’پیپلز پارٹی نے شہری سندھ سے کی جانیوالی زیادتیاں مان لیں‘

ایم کیو ایم رہنما اور سابق وفاقی وزیر قانون فروغ نسیم نے کہا ہے کہ پی پی پی نے شہری سندھ سے کی جانیوالی زیادتیاں مان لی ہیں۔

متحدہ قومی موومنٹ پاکستان کے رہنما اور سابق وفاقی وزیر قانون فروغ نسیم نے میڈیا سے گفتگو کرتے ہوئے کہا ہے کہ پیپلز پارٹی نے شہری سندھ کی کی جانیوالی زیادتیاں مان لی ہیں اور امید ہے کہ پیپلز پارٹی ان زیادتیوں کا ازالہ کرتے ہوئے جو وعدے کیے ہیں اس کو پورا کرے گی۔

فروغ نسیم کا کہنا تھا کہ ہمارا پیپلز پارٹی سے جو معاہدہ ہوا ہے اس پر دونوں قیادت کے دستخط ہیں۔ شہباز شریف اور فضل الرحمٰن اس معاہدے کے ضامن ہیں اور وہ دونوں پی پی سے معاہدے کو پورا کرانے میں کردار ادا کرینگے۔

انہوں نے مزید کہا کہ ایم کیو ایم کی کامیابی ہے جس نے زیادتیوں کے حوالے سےآواز اٹھائی اور پی پی نے اس کو مانا۔

کراچی والوں کا اول اور آخر پاکستان ہے، وعدہ تھا اپنےاجداد سےاس کو پورا کیا، قوم کا سر فخر سے بلند کیا آئندہ بھی موقع ملا تو پاکستان کیلیے دن رات ایک کردیں گے۔

تحریک عدم اعتماد کے حوالے سے ایم کیو ایم رہنما کا کہنا تھا کہ یہ نمبر گیم ہے اور آپشن بھی یہ ہی ہے اب دیکھیں اپوزیشن یا حکومت کتنے نمبر لےسکتی ہے۔

فروغ نسیم نے کہا کہ میں نے ایم کیوایم پاکستان کے ٹکٹ پر الیکشن جیتا، ایم کیو ایم کی وزارت قانون لینا خواہش نہیں تھی، میری خواہش نہیں ہے کہ میں دوبارہ وزارت لوں۔

Comments

یہ بھی پڑھیں