site
stats
سندھ

ایم کیو ایم لندن کے رہنما کنور خالد یونس رہا

کراچی : ایم کیو ایم لندن کے سینئر رہنما اور سابق رکن قومی اسمبلی کنور خالد یونس کو رہا کر دیا گیا ہے انہیں بعد از گرفتاری نقصِ امن کے تحت نظر بند کیا گیا تھا۔

تفصیلات کے مطابق ایم کیو ایم میں دھڑے بندی اور متعدد رہنماؤں سمیت اراکین پارلیمنٹ کی جانب سے بانی ایم کیو ایم سے لاتعلقی کے بعد ایم کیو ایم لندن سے پاکستان میں سیاسی معاملات کی نگرانی کے لیے قائم کی گئی عارضی رابطہ کمیٹی کے فعال رکن کنور خالد یونس آج رہا کردیا گیا ہے۔

 اسی سے متعلق : متحدہ لندن کے رہنما حسن ظفر اور کنور خالد پریس کلب سے زیر حراست

واضح رہے ایم کیو ایم لندن کی رابطہ کمیٹی کے رکن کنور خالد یونس کو پریس کلب جاتے ہوئے گورنر ہاؤس کے قریب سے حراست میں لے لیا گیا تھا اور بعد ازاں نقص امن کے خطرے کے باعث ایم پی او کے تحت ایک ماہ کے لیے جیل بھیج دیا گیا تھا۔

زرائع کے مطابق کنور خالد یونس کی طبعیت ناساز ہے اور سانس لینے میں دشواری محسوس ہو رہی ہے جس کے باعث جیل کی حکام کی جانب سے آج نہیں رہا کردیا گیا ہے۔وہ عارضہ قلب، ذیابیطس اور فالج میں مبتلا ہے لہذا نظر بندی کو ایک ماہ مکمل ہونے کے بعد انہیں رہا کردیا گیا جب کہ ڈاکٹر حسن ظفر عارف اور امجد اللہ کی نظر بندی میں توسیع کردی گئی ہے۔

 یہ بھی پڑھیں : متحدہ رہنما امجد اللہ پریس کلب سے باہر نکل آئے، رینجرز نے گرفتار کرلیا

ایم کیو ایم لندن کے رہنما واسع جلیل کا کہنا ہے کہ کنور خالد یونس کی رہائی پر اللہ تعالی کے شکر گذار ہیں اور مطالبہ کرتے ہیں کہ دیگر زیرِ حراست رہنماؤں کو بھی فوری رہا کیا جائے۔

یاد رہے کنور خالد یونس کے ہمراہ رابطہ کمیٹی کے اراکین ڈاکٹر حسن ظفرعارف اورامجد اللہ خان کی کراچی جب کہ مومن خان مومن اور ظفر راجپوت کی گرفتاری حیدر آباد سے عمل میں لائی گئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top