The news is by your side.

Advertisement

پیپلز پارٹی کے رہنما ساتھی اسحاق ایڈوکیٹ بھی ایم کیو ایم میں شامل ہوگئے

کراچی: پیپلز پارٹی کے رہنما ساتھی اسحاق ایڈوکیٹ بھی ایم کیو ایم میں شامل ہو گئے،عامر خان نے کہا کہ محب وطن ہیں، را سے نہ ماضی میں تعلق تھا نہ ہوگا، خوش ہیں کہ پارٹی خود گندے انڈوں سے صاف ہو رہی ہے۔

پیپلز پارٹی کے سینئیر رہنما اور پیپلز پارٹی سندھ کے سیکریٹری اطلاعات ساتھی اسحاق ایڈوکیٹ پیپلز پارٹی کا ساتھ چھوڑ کر ایم کیو ایم کے ہوگئے ۔

نائن زیرو آمد پر ساتھی اسحاق کا کارکنان اور رابطہ کمیٹی نے پرتپاک استقبال اور پارٹی میں شمولیت پر مبارکباد پیش کی،اس موقع پر ایم کیو ایم رہنما عامر خان نے کہا کہ ہم محب وطن پاکستانی ہیں، نہ را سے تعلق تھا نہ ہوگا، اچھا ہے گندے انڈے خود پارٹی سے چلے گئے ۔

پیپلز پارٹی کے سابق رہنما ساتھی اسحاق ایڈوکیٹ نے ایم کیوایم میں شمولیت اختیار کرتے ہوئے کہا کہ ایم کیو ایم نے ہمیشہ مظلوموں کے حقوق کی بات کی، ایم کیو ایم پر لگائے جانے والے الزامات بے بنیاد ہیں ۔

متحدہ رہنمائوں نے آرمی چیف اور چیف جسٹس سے مطالبہ کیا کہ ایم کیو ایم کے خلاف زیادتیوں اور دیوار سے لگانے کے عمل کا نوٹس لیا جائے ۔

Print Friendly, PDF & Email

Comments

comments

یہ بھی پڑھیں