The news is by your side.

Advertisement

رینجرز نے ایم کیو ایم کے رہنماء قمر منصور کو رہا کردیا

کراچی : رینجرز نے ایم کیو ایم کے رہنماء قمر منصور کو رہا کردیا۔

تفصیلات کے مطابق رینجرز نے ایم کیوایم رابطہ کمیٹی کے رکن قمر منصور کو انسانی ہمدردی کی بنیاد پر رہا کردیا، حکام نے رپورٹ انسداد دہشت گردی کی عدالت میں جمع کرادی۔ رپورٹ میں بتایا گیا ہےکہ قمر منصور کا نوے روزہ ریمانڈ مکمل نہیں ہوا۔ رہائی طبیعت خراب ہونے پر انسانی ہمدردی کے تحت کی گئی ہے۔

 رینجرز نے بائیس جولائی کو قمر منصور کا نوے دن کا ریمانڈ حاصل کیا تھا، رینجرز کی حراست میں قمر منصور نے کمر میں تکلیف کی شکایت کی۔

یاد رہے کہ ایم کیو ایم کے رہنما قمر منصور کو رینجرز نے 16 اور 17 کی درمیانی شب کو نائن زیرو پر چھاپہ مار کر گرفتار کیا تھا، قمر منصور کو پاک فوج کے خلاف ایم کیو ایم کے قائد الطاف حسین کی نفرت آمیز تقاریر میں سہولت کار کی حیثیت سے گرفتار کیا گیا تھا۔

واضح رہے کہ ایم کیو ایم کے سیاسی مرکز پر رینجرز کا یہ دوسرا چھاپہ تھا، اس سے قبل 11 مارچ 2015 کو رینجرز نے 90پر چھاپہ مارا تھا، جس میں سینئررہنماء عامرخان سمیت بڑی تعداد میں کارکنان کو گرفتار کیا گیا تھا۔

Print Friendly, PDF & Email

Comments

comments

یہ بھی پڑھیں